டெர்மினேட்டர் கெட்டப்பில் பிரித்விராஜ்... ஒருவேளை அந்தப் படத்தோட சீக்குவலா இருக்குமோ!

திரையில் ஜொலித்து

இயக்குனர்களாக இருந்து இப்பொழுது நடிகர்களாக திரையில் ஜொலித்து வரும் சில இயக்குனர்களுக்கு மத்தியில் ஒரு சில நடிகர்களும் இப்பொழுது திரைப்படங்களை இயக்கி இயக்குனர் அவதாரம் எடுத்து வருகின்றனர்.

வசூல் மழையால் அலற வைத்தார்

அந்த வகையில் சமீபத்தில் மலையாளத்தில் முன்னணி நடிகராக உள்ள நடிகர் பிரித்விராஜ் லூசிபர் திரைப்படத்தை இயக்கி இயக்குனராக தன்னை அறிமுகப்படுத்திக் கொண்டதுடன் முதல் திரைப்படத்திலேயே பாக்ஸ் ஆபிஸை வசூல் மழையால் அலற வைத்தார்.

லூசிபர்

ஏற்கனவே இவர் சில திரைப்படங்களை தயாரித்து வந்த போதிலும் இப்பொழுது இயக்கத்திலும் இறங்கியிருக்க மோகன்லால் நடிப்பில் உருவான லூசிபர் திரைப்படத்தை தொடர்ந்து மீண்டும் ஒரு திரைப்படத்தை இயக்க உள்ளதாக தகவல்கள் வெளியாகி உள்ளது.

சூப்பர் திரில்லர் "ரணம்"

மலையாளத்தில் பிரபலமான நடிகராக இருப்பினும் தமிழ் ரசிகர்களுக்கும் நன்கு பரிச்சயமான பிரித்விராஜ் சில தமிழ் திரைப்படங்களில் நடித்துள்ளார். வித்தியாசமான கதைகளில் நடிப்பதை வழக்கமாக கொண்டுள்ள பிரித்திவிராஜ் 2018ஆம் ஆண்டு வெளியான சூப்பர் திரில்லர் "ரணம்" திரைப்படத்தில் நடித்து கலக்கியதைத் தொடர்ந்து இந்த திரைப்படம் வசூலில் சுமாரான வெற்றியை மட்டுமே பெற்றுத்தந்தது

"ஐ வில் பி பேக்"

ரணம் திரைப்படத்தில் டெர்மினேட்டர் படத்தில் வரும் அர்னால்டை போல இருக்கும் இவரது புதுவிதமான கெட்டப் பலரையும் ரசிக்க வைத்திருந்த நிலையில், இப்பொழுது அந்த புகைப்படத்தை இன்ஸ்டாகிராம் பக்கத்தில் பதிவிட்டு "ஐ வில் பி பேக்" எனக் கூறியவாறு ரணம் திரைப்படத்தின் இயக்குனரை டேக் செய்துள்ளது ரசிகர்களிடையே சந்தேகத்தை ஏற்படுத்தியுள்ளது.

அடுத்த திரைப்படம்

ஆடு ஜீவிதம், கோல்டு கேஸ் , ஜன கன மன, கடுவா உள்ளிட்ட திரைப்படங்களில் அடுத்தடுத்து நடித்து வரும் பிரித்விராஜ் இந்த பதிவின் மூலம் தனது அடுத்த திரைப்படம் ரணம் திரைப்படத்தின் சீக்குவல் தான் என ரசிகர்களுக்கு மறைமுகமாக தெரிவித்துள்ளது இப்பொழுது மலையாள திரைப்படத்துறையில் ஹாட் டாப்பிக்காக பேசப்பட்டு வருகிறது.