தவறாக வரலாற்றை பதிவு செய்பவர்களை எதிர்த்து போராடி வெறுத்துடுச்சு: மேதகு குறித்து பிரபல தயாரிப்பாளர்!

பிரபலங்கள் ஆதரவு

ஓடிடி தளத்தில் வெளியாகியுள்ள இப்படத்தை அவசியம் பார்க்க வேண்டும் என ஆதரவு தெரிவித்து தமிழ் சினிமா பிரபலங்கள் பலரும் ட்விட்டி வருகின்றனர். அந்த வகையில் சத்யராஜ், இசையமைப்பாளர் ஜி.வி பிரகாஷ், இயக்குநர் நவீன் முகமதலி, சேரன் ஆகியோர் ஆதரவு தெரிவித்திருந்தனர்.

வெறுத்துப்போச்சு

இந்நிலையில் பிரபல தயாரிப்பாளரான சுரேஷ் காமாட்சி மேதகு படத்திற்கு ஆதரவாக ட்விட்டியுள்ளார். இதுதொடர்பான அவரது ட்விட்டில், தப்பும் தவறுமாக வரலாற்றைப் பதிவு செய்பவர்களை எதிர்த்துப் போராடி வெறுத்துப் போச்சு. சரியான ஒரு படைப்பை எதிர்பார்த்திருந்தோம். மேதகு படம் நாம் பார்த்துக் கொண்டாட வேண்டிய பதிவு. அவசியம் கொண்டாடுவோம். BsValue App இல் என பதிவிட்டுள்ளார்.

உலகுக்கு உரக்கச் சொல்லும்

இதேபோல் இயக்குநரும் நடிகருமான சசிக்குமார் பதிவிட்டுள்ள ட்விட்டில் ஈழத்தின் போராட்டத்தையும் அர்ப்பணிப்பையும் உலகுக்கு உரக்கச் சொல்லும் படமாக மேதகு படம் உருவாகி இருக்கிறது. ஈழத்தின் மீதான உலகளாவிய நற்பார்வை பெருக இந்தப் படம் மகத்தான வெற்றி பெற வேண்டும்.. வெல்வோம்.. என பதிவிட்டுள்ளார்.

தனி துணிச்சல் வேண்டும்

இதனிடையே இயக்குநர் வெற்றிமாறன், வெளியிட்டுள்ள வீடியோவில் இப்படி ஒரு களத்தில் படத்தை இயக்க தனி துணிச்சல் வேண்டும் என இயக்குநர் கிட்டுவை பாராட்டியுள்ளார். இதனிடையே #மேதகு என்ற ஹேஷ்டேக் இந்திய அளவில் ட்ரென்டிங்கில் டாப்பில் உள்ளது.