Click it and Unblock the Notifications
அகமதாபாத், போபாலில் பீகே படத்தை வெளியிட்ட தியேட்டர்கள் மீது தாக்குதல்
பீகே படத்தில் இந்து மதத்துக்கு எதிரான கருத்துகள் அடங்கியிருப்பதாகக் கூறி, அப்படத்தை வெளியிட்ட தியேட்டர்கள் மீது இந்துத்துவா ஆதரவாளர்கள் தாக்குதல் நடத்தியுள்ளனர்.
போபால், அகமதாபாத் போன்ற நகரங்களில் இரு திரையரங்கள் கல்வீசி தாக்கப்பட்டன.
ஆமீர் கான் நடிப்பில், ராஜ்குமார் ஹிரானி இயக்கத்தில் வெளியான படம் பீகே. கடந்த 19-ம் தேதி வெளியான இந்தப் படம் வட இந்தியாவில் வசூலைக் குவித்து வருகிறது.
அதே நேரம் படத்தில் இந்து மதம் கடுமையாக கிண்டலடிக்கப்படுவதாகக் கூறி, படத்தைத் தடை செய்ய இந்துத்துவா அமைப்புகள் கோரி வருகின்றன.
இந்து மகா சபை என்ற அமைப்பு உடனடியாக படத்துக்கு தடை கோரியுள்ளது.
இந்த நிலையில் படத்தை வெளியிட்ட திரையரங்குகள் மீது தாக்குதலைத் தொடங்கியுள்ளனர். அகமதாபாதில் உள்ள சிவா மற்றும் சிட்டி கோல்டு ஆகிய இரு மல்டிப்ளெக்ஸ் அரங்குகள் மீதும், போபாலில் ஒரு அரங்கம் மீதும் தாக்குதல் நடத்தியுள்ளனர். இதில் திரையரங்குகளின் கண்ணாடிகள் நொறுங்கின. யாருக்கும் காயம் ஏற்படவில்லை.
Continue with Google