Gulu Gulu Twitter Review: புரமோஷன் பண்ணலைன்னாலும்.. படம் நல்லா இருந்தா ஓடும்.. குலு குலு எப்படி?

சந்தானத்தின் குலு குலு

ஹீரோவாக மாறிய நகைச்சுவை நடிகர் சந்தானம் தொடர்ந்து வித்தியாசமான படங்களை தேர்வு செய்து நடித்து வருகிறார். இயக்குநர் ரத்னகுமார் இயக்கத்தில் முற்றிலும் வித்தியாசமான சந்தானத்தை இந்த படத்தில் ரசிகர்கள் கண்டு ரசித்து வருகின்றனர். அதுல்யா சந்திரா, நமீதா கிருஷ்ணமூர்த்தி, பிரதீப் ராவத், மரியம் ஜார்ஜ், சாய் தீனா, மகாநதி சங்கர் உள்ளிட்டோர் நடித்துள்ள குலு குலு திரைப்படத்திற்கு பாசிட்டிவ் விமர்சனங்கள் சமூக வலைதளங்களில் குவிந்து வருகின்றன.

புரமோஷன் இல்லைன்னாலும்

இயக்குநர் ரத்னகுமார் இயக்கத்தில் சந்தானம் நடிப்பில் வெளியான குலு குலு படத்தின் டீசர் மற்றும் டிரைலர் காட்சிகளே படம் வித்தியாசமான காமெடி படமாக இருக்கும் என எதிர்பார்ப்புகளை தூண்டியது. மேலும், ரத்னகுமார் இயக்கத்தில் வெளியான மேயாதமான் மற்றும் ஆடை படங்கள் ரசிகர்களுக்கு தந்த அனுபவம் காரணமாக இந்த படத்திற்கு பெரிதாக புரமோஷன் இல்லை என்றாலும், படம் நல்லா இருந்தா ஓடும் என்கிற நம்பிக்கையுடன் வந்த ரசிகர்களை ஏமாற்றவில்லை என இந்த ரசிகர் விமர்சித்துள்ளார்.

பப்ஜி ஃபைட்

நடிகர் சந்தானம் வழக்கமாக செய்து வந்த பழைய ஸ்டைல் காமெடி படங்களில் இருந்து முற்றிலுமாக வெளியே வந்து புதுவிதமான காமெடி படத்தில் நடித்ததே ரசிகர்களுக்கு பெரிய ட்ரீட் ஆக உள்ளது. மேலும், படத்தின் இடைவேளை காட்சியில் வரும் இந்தியா - சீனா பப்ஜி சண்டை பெரும் சர்ப்ரைஸாக அமைந்துள்ளது என இந்த நெட்டிசன் விமர்சித்துள்ளார்.

ஃபுல் ஃபயர் மூட்

இந்த வாரம் வெளியான படங்களில் வின்னர் என்றால் அது சந்தானத்தின் குலு குலு திரைப்படம் தான் என்றும், தியேட்டரில் ரசிகர்கள் ஃபுல் ஃபயர் மூடில் உள்ளனர் என தியேட்டர் கொண்டாட்ட வீடியோவை ஷேர் செய்து இந்த ரசிகர் அதிர வைத்துள்ளார்.

பாலாபிஷேகம்

டாப் ஹீரோக்களுக்கு செய்வது போல நடிகர் சந்தானத்தின் பெரிய கட் அவுட்டுக்கு அவரது ரசிகர்கள் பாலாபிஷேகம் செய்யும் வீடியோக்களும் சமூக வலைதளங்களில் டிரெண்டாகி வருகின்றன. நீண்ட இடைவேளைக்கு பிறகு குலு குலு திரைப்படம் சந்தானத்திற்கு ஹிட் படமாக அமையும் என ஏகப்பட்ட ரசிகர்கள் கருத்து தெரிவித்துள்ளனர்.