மறுபடியும் டைவர்ஸா? இயக்குநர் செல்வராகவன் போட்ட அந்த ட்வீட்டை பார்த்து பதறிப்போன ரசிகர்கள்!

நடிப்பும் இயக்கமும்

காதல் கொண்டேன் படத்தின் மூலம் இயக்குநராக அறிமுகமான செல்வராகவன் இந்த ஆண்டு பீஸ்ட் மற்றும் சாணிக் காயிதம் படங்கள் மூலமாக நடிகராகவும் மாறி உள்ளார். தனுஷை வைத்து அவர் இயக்கிய நானே வருவேன் இந்த ஆண்டு இறுதியில் பொன்னியின் செல்வன் படத்துக்கு போட்டியாக வெளியானது. இடைவேளை வரை படம் வெறித்தனமாக இருந்த நிலையில், கிளைமேக்ஸ் காட்சிகள் ரசிகர்களுக்கு சற்றே பிடிக்கவில்லை.

மனைவியுடன் கிறிஸ்துமஸ் கொண்டாட்டம்

சோனியா அகர்வாலை விவாகரத்து செய்த செல்வராகவன் கீதாஞ்சலி என்பவரை திருமணம் செய்து 3 குழந்தைகளுக்கு தந்தையாக உள்ளார். சமீபத்தில் கிறிஸ்துமஸ் பண்டிகையை மனைவி மற்றும் குடும்பத்தினருடன் கோலாகலமாக செல்வராகவன் கொண்டாடிய வீடியோ இன்ஸ்டாகிராமில் டிரெண்டாகி வருகிறது. இந்நிலையில், திடீரென துணை குறித்து அவர் பதிவிட்டுள்ள ட்வீட் ரசிகர்களை ஷாக் ஆக்கி உள்ளது.

துணை என்பது கானல் நீர்

"தனியாகத்தான் வந்தோம். தனியாகத்தான் போவோம். நடுவில் என்ன துணை வேண்டி கிடக்கிறது ? துணை என்பது கானல் நீர். நெருங்க நெருங்க தூரம் ஓடும்." என வாழ்க்கைத் தத்துவம் போல ஒரு ட்வீட்டை தட்டி விட்டிருக்கிறார் இயக்குநர் செல்வராகவன். அந்த ட்வீட்டை பார்த்த ரசிகர்கள் என்ன ஆச்சி? என்றும் இரண்டாவது மனைவியையும் பிரிய போகிறீர்களா? என கேள்வி எழுப்பி வருகின்றனர்.

மறுபடியும் டைவர்ஸா

இயக்குநர் செல்வராகவனின் இந்த ட்வீட்டை பார்த்த ரசிகர்கள் என்ன மறுபடியும் டைவர்ஸா? என்றும் அண்ணன், தம்பி இருவருக்கும் இதே வேலையா போச்சு என விளாசி உள்ளனர். இந்த ஆண்டு ஜனவரி 17ம் தேதி திடீரென நடிகர் தனுஷ் தனது மனைவி ஐஸ்வர்யா ரஜினிகாந்தை பிரிவதாக அதிரடியாக அறிவித்தது பலரையும் அதிர்ச்சியில் ஆழ்த்தியது குறிப்பிடத்தக்கது.

மனசாட்சி இல்லையா

என்னாது துணைக்கு யாரும் வேண்டாமா? உனக்கெல்லாம் மனசாட்சி இல்லையா என்றும் இப்படி தத்துவம் சொல்றவன் எல்லாம் 2 கல்யாணம் பண்ணிட்டு எல்லாத்தையும் அனுபவிச்சிட்டுத்தான் சொல்வானுங்க என்றும் நெட்டிசன்கள் இயக்குநர் செல்வராகவன் கீதாஞ்சலி செல்வராகவனை விவாகரத்து செய்யப் போகிறார் என்கிற முடிவுக்கே வந்தது போல கமெண்ட் போட்டு வருகின்றனர். செல்வராகவன் அடிக்கடி தனக்கு தோன்றும் தத்துவங்களை இதுபோல சொவ்லது வழக்கம் என்பது குறிப்பிடத்தக்கது.