லதா மங்கேஷ்கருக்கு மனம் உருக துவா செய்த ஷாருக்கான்...ட்விட்டரில் கொண்டாடும் ரசிகர்கள்

அரசு மரியாதையுடன் நல்லடக்கம்

அவரது மறைவிற்கு தலைவர்கள், பிரபலங்கள், ரசிகர்கள் உள்ளிட்டோர் இரங்கல் தெரிவித்தனர். பிரதமர், மகாராஷ்டிர முதல்வர், துணை முதல்வர் உள்ளிட்டோர் இறுதி அஞ்சலி செலுத்தினர். முழு அரசு மரியாதையுடன் லதா மங்கேஷ்கரின் உடல் நல்லடக்கம் செய்யப்பட்டது.

பாலிவுட் பிரபலங்கள் அஞ்சலி

மும்பை சிவாஜி பார்க்கில் லதா மங்கேஷ்கரின் இறுதி சடங்குகள் நேற்று நடைபெற்றது. லதா மங்கேஷ்கரின் உடலுக்கு பிரதமர் மோடி உள்ளிட்ட தலைவர் நேரில் வந்து அஞ்சலி செலுத்தினர். பாலிவுட் பிரபலங்களான ஷாருக்கான், அமீர்கான், ரன்வீர் கபூர் உள்ளிட்ட ஏராளமானோர் நேரில் இறுதிச் சடங்கில் கலந்து கொண்டனர்.

துவா செய்த ஷாருக், வணங்கிய பூஜா

ஷாருக்கானும், அவரது மேனேஜர் பூஜா தத்லானி இருவரும் லதா மங்கேஷ்கரின் உடல் அருகே சென்று அஞ்சலி செலுத்தினர். அப்போது ஷாருக்கான் இஸ்லாமிய முறைப்படி துவா ஓதினார். அதே சமயம் அருகில் இருந்த பூஜா இந்து என்பதால், அவர் கைகளை கூப்பி வணங்கினார். இந்த போட்டோ தற்போது இணையத்தில் வேகமாக பகிரப்பட்டு வருகிறது.

ட்விட்டரில் கொண்டாடும் ரசிகர்கள்

இது தான் இந்தியா. இந்தியாவின் ஒற்றுமை. மத நல்லிணக்கம். மதங்களை கடந்த மரியாதை என பலரும் புகழ்ந்து வருகின்றனர். குஷ்பு உள்ளிட்ட பிரபலங்கள் பலரும் இந்த போட்டோவை ட்விட்டரில் பகிர்ந்து, இந்தியாவின் பெருமை என புகழ்ந்து வருகின்றனர். #Shahrukhkhan, #Gowrikhan போன்ற ஹேஷ்டேக்குகள் ட்விட்டரில் டிரெண்டிங் ஆக்கப்பட்டுள்ளன.

Recommended Video

லதா மங்கேஷ்கர் மறைவு பேரிழப்பு… உருகி ட்வீட் போட்ட இசைப்புயல் ஏ.ஆர். ரஹ்மான்!

லதாவிற்கு இசையஞ்சலி

யாஷ் ராஜ் ஃபிலிம்ஸ் பேனரில் ஷாருக்கான் நடித்த பெரும்பாலான படங்களில் லதா மங்கேஷ்கர் பின்னணி பாடி உள்ளார். ஷாருக்கான் மட்டுமின்றி திரைதுறையை சேர்ந்த பல இசையமைப்பாளர்கள், பின்னணி பாடகர்கள், இசை கலைஞர்கள் உள்ளிட்ட லதா மங்கேஷ்கருடன் பணியாற்றிய பலரும் அவரது உடலுக்கு நேரில் அஞ்சலி செலுத்தினர்.