ஒரு பொண்ண தொடனும்னா...மஹா டீசரில் சிம்பு சொன்ன அசத்தல் அட்வைஸ்

ஹன்சிகா பிறந்தநாளில் புதிய டீசர்

இந்நிலையில் ஹன்சிகா நேற்று தனது பிறந்தநாளை கொண்டாடினார். இதனைக் கொண்டாடும் விதமாக மஹா படக்குழுவும், படத்தின் புதிய டீசரை வெளியிட்டனர். இதில் அட்டகாசமான இசையுடன் ஹன்சிகா, சிம்பு உடனான ரொமான்ஸ், ஆக்ஷன் என பலவிதமாக காட்சிகள் இடம்பெற்றிருந்தன.

மீண்டும் சிம்பு-ஹன்சிகா ரொமான்ஸ்

முன்னாள் காதலர்களான சிம்பு - ஹன்சிகாவின் ரொமான்ஸ் காட்சிகள் ரசிகர்களை மிகவும் கவர்ந்துள்ளது. படத்தின் மெயின் டீசர் பல மாதங்களுக்கு முன்பே வெளியிடப்பட்டது. இது நல்ல வரவேற்பையும் பெற்றது. தற்போது ஹன்சிகா பிறந்தநாளுக்காகவே இந்த டீசரை பிரத்யேகமாக தயாரித்து, வெளியிட்டுள்ளனர்.

சிம்பு சொன்ன அட்வைஸ்

இந்த டீசரில் ரசிகர்களை கவர்ந்த மற்றொரு விஷயம் சிம்பு கூறும் அட்வைஸ் தான். டீசரில் சிம்பு, ஒரு பொண்ண தொடனும்னா முதல அவளோட மனச தொடனும் என டயலாக் பேசி உள்ளார். தொடர்ந்து வில்லன்களுடன் அதிரடி சண்டை காட்சிகளில் இறங்குகிறார். ரொமான்ஸ், ஆக்ஷன் கலந்த இந்த டீசர் லைக்குகளை குவித்து வருகிறது.

சிறப்பு தோற்றத்தில் சிம்பு

யு.ஆர்.ஜமீல் இயக்கி உள்ள இந்த படத்தை மதியழகன் தயாரித்துள்ளார். ஜிப்ரான் இசையமைத்துள்ளார். நாயகியை மையமாகக் கொண்ட இந்த படத்தில் ஹன்சிகா லீட் ரோலில் நடத்துள்ளார். அவருடன் ஸ்ரீகாந்த், கருணாகரன், தம்பி ராமைய்யா உள்ளிட்டோர் நடித்துள்ளனர். இந்த படத்தில் சிம்பு சிறப்பு தோற்றத்தில் தான் நடித்திருப்பதாக கூறப்படுகிறது.

ரிலீஸ் எப்போது

ஏற்கனவே படத்தின் வேலைகள் அனைத்தும் முடிக்கப்பட்டு விட்டது. அதனால் படத்தின் ரிலீஸ் எப்போது என்ற அறிவிப்பிற்காக அனைவரும் காத்திருக்கிறார்கள். இந்த படம் தியேட்டரில் ரிலீஸ் செய்யப்பட உள்ளதா அல்லது ஓடிடி.,யில் ரிலீஸ் செய்யப்பட உள்ளதா என தெரியவில்லை. இது தொடர்பாக பேச்சுவார்த்தை நடத்தப்பட்டு வருகிறதாம்.

STR என்ன பாலா பட HEROவா மாறிட்டாரு! அடையாளமே தெரியலயே Simbu | Oneindia Tamil

ஓடிடி ரிலீசா

சில முன்னணி ஓடிடி தளங்களுடனும் பேசப்பட்டு வருகிறதாம். பேச்சுவார்த்தை முடிந்த பிறகு விரைவில் படத்தின் ரிலீஸ் தேதியை அறிவிக்க வாய்ப்புள்ளதாக கூறப்படுகிறது. தியேட்டர்கள் எப்போது திறக்கப்படும் என தெரியாத நிலை உள்ளதால் மஹா படம் ஓடிடி.,யில் ரிலீஸ் செய்யப்படவே அதிக வாய்ப்புள்ளதாக கூறப்படுகிறது.