Vendhu Thanindhathu Kaadu Box Office: சிம்புவின் வெந்து தணிந்தது காடு 4வது நாள் கலெக்‌ஷன் ரிப்போர்ட்

சிம்புவை தேடிய ரசிகர்கள்

விண்ணைத்தாண்டி வருவாயா, அச்சம் என்பது மடமையடா என இரண்டு படங்களில் மாஸ் காட்டிய சிம்பு, கெளதம் மேனன், ஏஆர் ரஹ்மான் காம்போ, மூன்றாவதாக 'வெந்து தணிந்தது காடு' படத்தில் இணைந்தனர். 'நதிகளில் நீராடும் சூரியன்' என்ற டைட்டிலில் தொடங்கிய சிம்புவின் படம், பின்னர் 'வெந்து தணிந்தது காடு' என கேங்ஸ்டர் படமாக மாறியது. சிம்புவை மாஸாக எதிர்பார்த்த ரசிகர்களுக்கு அவர் சின்னப் பையனாக மெலிந்த தேகத்துடன் வந்து செம்ம சர்ப்ரைஸ் கொடுத்தார்.

சிம்புவுக்கு நல்ல ஓப்பனிங்

'வெந்து தணிந்தது காடு' படத்தின் ட்ரெய்லரும் பாடல்களும் ஏற்கனவே ஹிட்டாகிவிட்டதால், படத்தின் மீதான எதிர்பார்ப்பு அதிகமானது. அந்த எதிர்பார்ப்பை முதல் வாரத்தில் கிடைத்த தரமான ஓப்பனிங் உறுதி செய்துள்ளது. சிம்புவின் கேரியரில் வெந்து தணிந்தது காடு சிறப்பான திரைப்படம் என ரசிகர்கள் கொண்டாடி வருகின்றனர். முத்து வீரனாக அவரது பக்குவமான நடிப்பும் மேனரிசமும் நன்றாக ஒர்க்அவுட் ஆகியுள்ளது. அதனால், கண்டிப்பாக இந்தப் படத்தின் 2ம் பாகம் வரும் என எதிர்பார்க்கப்படுகிறது.

முதல் 3 நாள் பாக்ஸ் ஆஃபிஸ்

வெந்து தணிந்தது காடு திரைப்படம் கடந்த வாரம் 15ம் தேதி (வியாழக்கிழமை) திரையரங்குகளில் வெளியானது. இந்தப் படத்துக்கு முதல் நாளில் இருந்தே கலவையான விமர்சனங்கள் கிடைத்து வருகின்றன. ஆனாலும், பெரும்பாலான ரசிகர்கள் படத்தையும் மேக்கிங்கையும் ரொம்பவே பாராட்டி வருகின்றனர். இந்தப் படம் முதல் நாளில் மட்டும் உலகம் முழுவதும் 10 கோடிக்கும் அதிகமாக வசூலித்துள்ளதாக சொல்லப்படுகிறது. இரண்டாவது நாளில் 8 கோடிக்கு அதிகமாகவும், மூன்றாவது நாளில் 7 கோடிக்கு மேலாகவும் வசூலித்துள்ளதாக பாக்ஸ் ஆஃபிஸ் நிலவரங்கள் தெரிவிக்கின்றன.

முதல் வாரம் கலெக்‌ஷன் ரிப்போர்ட்

திரையரங்குகளில் வெளியான வெந்து தணிந்தது காடு திரைப்படம் முதல் வாரத்தை வெற்றிகரமாக முடித்துள்ளது. முதல் 4 நாட்களில் ரசிகர்களிடம் நல்ல வரவேற்பு கிடைத்துள்ளதால், வசூலிலும் மாஸ் காட்டி வருகிறது. முதல் 3 நாட்களில் 27 கோடி வரை வசூலித்திருந்த வெந்து தணிந்தது காடு, 4வது நாளில் மட்டும் 6 கோடி வசூல் செய்துள்ளதாக தகவல் வெளியாகியுள்ளது. அதன்படி மொத்தமாக முதல் வாரம் உலகம் முழுவதும் 35 கோடி வரை வசூலித்துள்ளதாகத் தெரிகிறது. ஆனாலும், பாக்ஸ் ஆஃபிஸ் நிலவரம் குறித்து படக்குழு தரப்பில் இருந்து இதுவரை அதிகாரப்பூர்வ தகவல் எதுவும் வெளியாகவில்லை என்பது குறிப்பிடத்தக்கது.