Don't Miss!
- News 2-ம் கட்ட லோக்சபா தேர்தல்: 1202 வேட்பாளர்கள்..15.88 கோடி வாக்காளர்கள்;1.67 லட்சம் வாக்குச் சாவடிகள்!
- Lifestyle ஜப்பான் பெண்கள் நீண்ட காலம் இளமையாகவும், அழகாகவும் இருக்க இந்த 4 ரகசிய உணவுகள்தான் காரணமாம்...!
- Sports 4 பந்துகளில் 4 சிக்ஸ்.. டி வில்லியர்ஸ் சாதனையை முறியடித்த பட்டிதர்.. 19 பந்துகளில் மிரட்டல் அரைசதம்!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
பெமினா மிஸ் இந்தியா வேர்ல்ட் 2022 பட்டம் -தட்டிச்சென்ற கர்நாடக நடனக்கலைஞர்.. விஜய் பாட்டுக்கு ஆட்டம்
சென்னை : பெமினா மிஸ் இந்தியா வேர்ல்ட் 2022 அழகிப் பட்டத்தை கர்நாடகாவை சேர்ந்த சினி ஷெட்டி வென்றுள்ளார்.
மும்பையில் நடைபெற்ற நிகழ்ச்சியில் 21 வயதான சினி ஷெட்டி இந்தப் பட்டத்தை வென்றுள்ளார்.
இந்தப் போட்டியில் இரண்டாவது இடத்தை ரூபால் ஷெகாவத்தும் மூன்றாவது இடத்தை ஷினாதா சவுகானும் பெற்றுள்ளனர்.
பெமினா மிஸ் இந்தியா வேர்ல்ட் 2022
ஆண்டுதோறும் பெமினா மிஸ் இந்தியா வேர்ல்ட் 2022 பட்டத்திற்கான போட்டி நடைபெற்று வருகிறது. திறமை, அழகு உள்ளிட்டவற்றிற்கு முக்கியத்துவம் கொடுக்கப்பட்டு பலகட்டங்களில் நடத்தப்படும் இந்தப் போட்டி நேற்றைய தினம் மும்பையில் நடத்தப்பட்டது. இதில் நாடு முழுவதும் பல மாநிலங்களை சேர்ந்த பல அழகிகள் கலந்துக் கொண்டனர்.
சிறப்பான நடுவர் குழு
மும்பையில் உள்ள ஜியோ வேர்ல்ட் கன்வென்ஷன் சென்டரில் நேற்றைய தினம் நடைபெற்ற நிகழ்ச்சியில் நேஹா தூபியா, மலைக்கா அரோரா, டினோ மோரியா, ஆடை வடிவமைப்பாளர்கள் ரோஹித் காந்தி மற்றும் ராகுல் கண்ணா, முன்னாள் கிரிக்கெட் வீராங்கனை மிதாலி ராஜ் ஆகியோர் அடங்கிய நடுவர் குழுவினர் வெற்றியாளர்களை தேர்ந்தெடுத்தனர்.
சினி ஷெட்டி முதலிடம்
பாலிவுட் பிரபலங்களும் கலந்துக் கொண்ட இந்த நிகழ்ச்சியில் கர்நாடகாவை சேர்ந்த சினி ஷெட்டி முதலிடத்தை பெற்றுள்ளார். இரண்டாவது இடத்தை ராஜஸ்தானை சேர்ந்த ரூபால் ஷெகாவத்தும் மூன்றாவது இடத்தை உத்தரபிரதேசத்தை சேர்ந்த ஷினாதா சவுகானும் பெற்றுள்ளனர்.
சினி ஷெட்டிக்கு கிரீடம்
இதனிடையே முதலிடத்தை பெற்ற சினி ஷெட்டிக்கு கடந்த ஆண்டு மிஸ் இந்தியா 2021 பட்டத்தை பெற்ற மானசா வாரணாசி கிரீடத்தை சூட்டினார். 21 வயதான சினி ஷெட்டி கர்நாடகாவை சேர்ந்தவர் என்றாலும் மகாராஷ்டிராவின் மும்பையில் வளர்ந்தவர். நிதித்துறையில் இளங்கலை பட்டம் பெற்றவர். தற்போது சிஎப்ஏக்கான தொழில்முறை கல்வியை கற்று வருகிறார்.
பரதநாட்டிய கலைஞர்
சினி ஷெட்டி பயிற்சி பெற்ற பரதநாட்டிய கலைஞர். தன்னுடைய 4 வயதில் பரதநாட்டியத்தை இவர் கற்க துவங்கினார். இந்தப் போட்டியின் இறுதிச்சுற்றில் சினி ஷெட்டி அணிந்திருந்த ஆடையை பிரபல ஆடை வடிவமைப்பாளர்கள் ரோஹித் காந்தி மற்றும் ராகுல் கண்ணா வடிவமைத்துள்ளது குறிப்பிடத்தக்கது.
Recommended Video
விஜய் பாட்டுக்கு டான்ஸ்
இதையடுத்து சினி ஷெட்டி தனது ட்விட்டர் பக்கத்தில் இந்த பயணத்தில் தனக்கு உறுதுணையாக இருந்த அனைவருக்கும் நன்றி தெரிவித்துள்ளார். முன்னதாக இந்த போட்டியின்போது விஜய்யின் வாத்தி கம்மிங் பாடலுக்கும் அவர் நடனம் ஆடியுள்ளார். பட்டத்தை அவர் வென்றவுடன் அவரது அம்மா அவருக்கு வாழ்த்து தெரிவித்தது உணர்வுபூர்வமாக இருந்தது.