twitter
    For Quick Alerts
    ALLOW NOTIFICATIONS  
    For Daily Alerts

    ‘லைப் ஆப் பை’ படத்திற்கு ஸ்பெசல் எஃபெக்ட்ஸ் செய்த நிறுவனம் திவால்… ஆஸ்கர் விழாவில் ஆர்ப்பாட்டம்

    By Mayura Akilan
    |

    Life Of Pi
    லாஸ் ஏஞ்சல்ஸ்: 'லைப் ஆப் பை' படத்திற்கு விருது அறிவிக்கப்படும் நேரத்தில் அந்த படத்திற்கு ஸ்பெசல் எஃபெக்ட்ஸ் செய்த ஊழியர்கள் திடீர் ஆர்பாட்டத்தில் ஈடுபட்டனர்.

    85 வது ஆஸ்கர் விருதுகள் லாஸ் ஏஞ்சலெஸில் இன்று கோலாகலமாக நடைபெற்றது. விருது வழங்கப்படும் விழாவுக்கு கலைஞர்கள் வந்துசேரும் ரெட்-கார்ப்பெட் நிகழ்வின்போது, யாரும் எதிர்பாராத ஆர்ப்பாட்டம் ஒன்று இடம்பெற்றது.

    ஆர்பாட்டத்தில் ஈடுபட்டவர்கள் லைப் ஆப் பை படத்தின் ஸ்பெஷன் எஃபக்ட்ஸ் பணியில் ஈடுபட்ட தொழிலாளர்களே. காரணம், இந்தப் படத்துக்கு ஸ்பெஷல் எஃபக்ட்ஸ் செய்து கொடுத்த நிறுவனம் சமீபத்தில் திவாலாகி விட்டதாக அறிவித்ததில், அதன் தொழிலாளர்கள் அனைவரும் வேலை இழந்தனர்.

    இதனையடுத்து ஆஸ்கார் விருது வழங்கப்படும் லாஸ் ஏஞ்சல்ஸ் தியேட்டருக்கு முன்னால் கூடிய நூற்றுக்கணக்கான தொழிலாளர்கள் விருது பெறப்போகும் நட்சத்திரங்கள் ரெட் கார்ப்பெட்டில் நடந்து வருகையில், ஆர்ப்பாட்டம் செய்து முழக்கமிட்டனர்.

    லைப் ஆப் பை படத்தின் ஸ்பெஷன் எஃபக்ட்ஸ் பணியை செய்து கொடுத்த தனியார் நிறுவனம் ரிதம் அன் ஹியூஸ் ஸ்டுடியோ. (Rhythm and Hues Studios) கலிபோர்னியா, எல்-செகுண்டோவை தலைமையகமாக கொண்டது. இதன் கிளை நிறுவனம் ஒன்று மும்பை, மலாட் ஹைடெக் சிட்டியில் உள்ளது. கடந்த 11-ம் தேதி, இந்த நிறுவனம் சாப்டர்-11 சட்டப்படி திவால் நிலையை அறிவித்தது. சுமார் 200 ஊழியர்களுக்கு வேலை போனது. இதனையடுத்து இந்த தொழிலாளர்கள் இன்று ஆர்பாட்டத்தில் ஈடுபட்டனர்.

    "படம் வெற்றியடைவதற்கு காரணமாக இருந்த ஸ்பெஷல் எஃபெக்ட்ஸ் ஊழியர்களை கைவிட கூடாது" என்றும் அவர்கள் முழக்கமிட்டனர்.

    திவாலான நிறுவனம் ஸ்பெஷல் எஃபக்ட்ஸ் செய்த இரு படங்கள் பாபே(Babe) (1995) தி கோல்டன் கேம்பஸ் (The Golden Compass (2008) ) ஏற்கனவே ஆஸ்கார் விருதுகளை வென்ற நிலையில், இன்று அறிவிக்கப்பட்ட விருதுகளிலும், இந்த நிறுவனம் ஸ்பெஷல் எஃபக்ட்ஸ் செய்த லைப் ஆப் கை, ஆஸ்காரை வென்றுள்ளது குறிப்பிடத்தக்கது.

    English summary
    The Academy Awards ceremony is Hollywood's biggest celebration, but not everyone is in the mood to party. As the stars begin to arrive, hundreds of visual effects artists are staging a protest outside the Dolby Theatre, claiming they're being cut out of their share of an increasingly lucrative market.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X