வாத்தி கம்மிங் பாடலுக்கு ஆட்டம் போட்ட வார்னர்… வைரலாகும் வேறலெவல் வீடியோ !

250 கோடி வசூல்

இயக்குநர் லோகேஷ் கனகராஜ் இயக்கி உருவான மாஸ்டர் திரைப்படம் பொங்கலுக்கு வெளியானது. இதில் விஜய், விஜய் சேதுபதி, மாளவிகா மோகனன், சாந்தனு, ஆண்ட்ரியா உள்ளிட்டோர் நடித்திருந்தனர். எக்ஸ்பி பிலிம் கிரியேட்டர்ஸ் சார்பில் சேவியர் பிரிட்டோ தயாரித்திருந்த இந்தப் படத்திற்கு அனிருத் இசையமைத்திருந்தார். இத்திரைப்படம் உலகம் முழுவதும் 250 கோடியை வசூல் செய்து சாதனை படைத்தது.

வாத்தி கம்மிங்

அதோடு குட்டி ஸ்டோரி, வாத்தி கம்மிங், வாத்தி ரெய்டு என மாஸ்டர் படத்தின்பாடல்கள் அனைத்தும் ரசிகர்கள் மத்தியில்பெரும் வரவேற்பைப் பெற்றது. குறிப்பாகவாத்தி கம்மிங் பாடலுக்குபிரபலங்களும் ரசிகர்களும் நடனமாடி அந்த வீடியோவைஇணையத்தில் பதிவிட்டு அந்த பாடலை மேலும் வைரலாக்கி வருகின்றனர்.

100 மில்லியன் பார்வையாளர்கள்

யூ-ட்யூபில் இந்தப் பாடல் பாடல் வீடியோ 100 மில்லியன் பார்வையாளர்களைக் கடந்துள்ளது. இதனைக் கொண்டாடும் விதமாக VaathiComingHits100MViews என்ற ஹேஷ்டேக்கில்விஜய் ரசிகர்கள் கடந்த வாரம் வெளியிட்டு வைரலாக்கினர். இது ட்விட்டரில் இந்திய அளவில் முதலிடம் பிடித்தது.

வாத்தி கம்மிங் டான்ஸ்

இந்நிலையில், தற்போது ஐபிஎல் சீசன் களைகட்டியுள்ள நிலையில், இந்தப் பாடலுக்கு ஐதராபாத் அணியின் கேப்டன் டேவிட் வார்னர், ரஷித் கான் மற்றும் புவனேஸ்வர் குமார் ஆகிய 3 பேரும் தளபதி விஜய் போட்ட டான்ஸ் ஸ்டெப்பை போட்டு அசத்தியுள்ளனர். இந்த வீடியோ தற்போது இணையத்தில் வைரலாகி வருகிறது.