For Quick Alerts
ALLOW NOTIFICATIONS  
For Daily Alerts

சசிகுமார் காட்டில் மழை.. பொங்கலுக்கு ரெண்டு படம்.. ஜனவரியில் மூனு படம் ரிலீஸ்!

|

சென்னை: இயக்குநரும் நடிகருமான சசிகுமார் நடிப்பில் உருவாகியுள்ள எம்.ஜி.ஆர் மகன் மற்றும் ராஜவம்சம் ஆகிய இரு படங்களும் பொங்கலுக்கு ரிலீஸ் ஆகிறது என்ற அறிவிப்பு வெளியாகியுள்ளது.

நேற்று வெளியான எனை நோக்கிப் பாயும் தோட்டா மற்றும் அடுத்த சாட்டை படங்களில் நடித்திருந்த சசி குமார், அடுத்தடுத்து தனது படங்கள் வெளியாவதால் மகிழ்ச்சியில் உள்ளார்.

மேலும், கொம்பு வச்ச சிங்கம்டா படமும் ஜனவரி மாதம் ரிலீசாகும் என அறிவிக்கப்பட்டுள்ளது.

ரெண்டு லட்டு

சுப்பிரமணியபுரம், நாடோடிகள், சுந்தரபாண்டியன் என பல வெற்றிப் படங்களை தமிழ் சினிமாவில் கொடுத்து வரும் நடிகர் சசிகுமார் நடிப்பில் நேற்று எனை நோக்கிப் பாயும் தோட்டா மற்றும் அடுத்த சாட்டை படம் வெளியானது. எனை நோக்கிப் பாயும் தோட்டா படத்தில் தனுஷுக்கு அண்ணனாகவும் போலீஸ் அதிகாரியாகவும் ஆங்கிலத்தில் பேசி நடித்து அசத்தியுள்ளார் சசிகுமார். அடுத்த சாட்டை படத்தில் ஆசிரியராக கெளரவ தோற்றத்தில் சில காட்சிகள் வந்து படத்திற்கு பலம் சேர்த்துள்ளார்.

பொங்கல் ரேஸ்

வரும் பொங்கலுக்கு ரஜினியின் தர்பார் படம் வெளியாகவுள்ள நிலையில், சசிகுமார் நடிப்பில் உருவாகியுள்ள எம்.ஜி.ஆர் மகன் மற்றும் ராஜவம்சம் என இரு படங்கள் தர்பார் படத்துடன் பொங்கல் ரேசில் கலந்து கொள்கிறது. மேலும், பிரபுதேவாவின் பொன் மாணிக்கவேல் மற்றும் சிவாவின் சுமோ படமும் பொங்கலுக்கு ரிலீசாகிறது.

எம்.ஜி.ஆர் மகன்

வருத்தப்படாத வாலிபர் சங்கம், ரஜினி முருகன், சீமராஜா என சிவகார்த்திகேயனை வைத்து ஹாட்ரிக் அடித்த பொன் ராம் தற்போது முதல்முறையாக சசிகுமார் நடிப்பில் எம்.ஜி.ஆர் மகன் படத்தை இயக்கியுள்ளார். வருத்தப்படாத வாலிபர் சங்கம் படத்திற்கு பிறகு மீண்டும் பொன் ராம் இயக்கத்தில் நடிகர் சத்தியராஜ் இணைந்துள்ளார். காமெடி சரவெடியாக உருவாகியுள்ள எம்.ஜி.ஆர் மகன் பொங்கலுக்கு ரிலீசாகிறது.

ராஜவம்சம்

கே.வி. கதிர்வேலு இயக்கத்தில் சசிகுமார், நிக்கி கல்ராணி நடிப்பில் ஆக்‌ஷன் படமாக உருவாகியுள்ள ராஜவம்சம் திரைப்படமும் வரும் பொங்கலுக்கு வெளியாகிறது.

கூடுதல் போனஸ்

பொங்கலுக்கு போனஸ் வழங்குறாங்களோ இல்லையோ, சசிகுமார், கூடுதல் போனஸாக ஜனவரி மாதம் கொம்பு வச்ச சிங்கம் டா படத்தையும் ரிலீஸ் செய்ய உள்ளார். எஸ்.ஆர். பிரபாகரன் இயக்கத்தில் உருவாகியுள்ள இந்த படத்தில் சசிகுமாருக்கு ஜோடியாக மடோனா சபாஸ்டியன் நடித்துள்ளார்.

English summary
Director come Actor Sasikumar’s MGR Magan and Raja Vamsam movies will release on Pongal 2020. And also, Kombu Vachcha Singamda will release on Jan 2020.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more