ஹேப்பி பர்த் டே பேபிஸ்...இவங்க தான் இன்று பிறந்தநாள் கொண்டாடும் ப்யூட்டீஸ்

இன்று பிறந்த ப்யூட்டிகள்

நடிகைகள் தமன்னா, ஆன்டிரியா, மகிமா நம்பியார் ஆகியோர் இன்று தங்களின் பிறந்தநாளை கொண்டாடுகிறார்கள். இவர்களுக்கு திரையுலக நண்பர்கள், ரசிகர்கள் உள்ளிட்ட பலரும் சோஷியல் மீடியா மூலம் தங்கள் வாழ்த்துக்களை கூறி வருகிறார்கள்.

தமன்னா

தமிழ், தெலுங்கு, இந்தியில் டாப் ஹீரோயின்களில் ஒருவராக இருப்பவர் தமன்னா. தமிழில் கேடி படத்தின் மூலம் ஹீரோயினாக அறிமுகமானார். கல்லூரி படத்திற்கு பிறகு கவனிக்கப்படும் நடிகையான தமன்னா, தமிழில் விஜய், அஜித், தனுஷ், சூர்யா, கார்த்தி, ஜெயம் ரவி உள்ளிட்ட டாப் ஹீரோக்கள் அனைவருடனும் ஜோடி சேர்ந்து பல படங்களில் நடித்து விட்டார். பெட்ரோமாஸ், விஷால் நடித்த ஆக்ஷன் படங்களுக்க பிறகு இந்தி மற்றும் தெலுங்கில் அதிக அளவில் பட வாய்ப்புக்கள் குவிந்ததால் பிஸியான நடிகையாகி விட்டார். தெலுங்கில் மாஸ்டர் செஃப் நிகழ்ச்சியையும் தொகுத்து வழங்கி வந்தார்.

ஆன்டிரியா

நடிகை, பின்னணி பாடகி, டப்பிங் கலைஞர் என பல முகங்களையும், திறமைகளையும் கொண்டவர் ஆன்டிரியா. தமிழ், மலையாளம், தெலுங்கு, இந்தி மொழிகளில் பிரபலமான நடிகையாக இருக்கும் ஆன்டிரியா, சரத்குமார் நடித்த பச்சைக்கிளி முத்துச்சரம் படத்தின் மூலம் ஹீரோயினாக அறிமுகமானார். அழகாலும், கிளாமராலும் ரசிகர்களை கவர்ந்துள்ள ஆன்டிரியா, மங்காத்தா, விஸ்வரூபம், அரண்மனை 2, தரமணி உள்ளிட்ட பல ஹிட் படங்களில் நடித்துள்ளார். தற்போது பிசாசு 2 உள்ளிட்ட ஆறுக்கும் மேற்பட்ட படங்களில் ஆன்டிரியா நடித்து வருகிறார்.

மகிமா நம்பியார்

தமிழ், மலையாள பட நடிகையான மகிமா நம்பியார், சாட்டை படத்தில் அறிவழகி என்ற கேரக்டரில் அழகாக நடித்து தமிழ் சினிமா ரசிகர்களின் மனங்களை கவர்ந்தவர். என்னமோ நடக்குது, மொசக்குட்டி, குற்றம் 23, அண்ணாதுரை, கொடிவீரன், மகாமுனி, அசுரகுரு உள்ளிட்ட பல படங்களில் நடித்துள்ளார். தற்போது ஐங்கரன், ஓ மை டாக் ஆகிய படங்களில் நடித்து வருகிறார்.