காருக்குள்ளே போட்டி...சண்டைப்போடும் போட்டியாளர்கள்...டஃப் ஃபைட்

வெளியேறி போட்டியாளர்கள்

மொத்தம் 14 போட்டியாளர்களுடன் துவங்கப்பட்ட பிக்பாஸ் அல்டிமேட்டில் இதுவரை சுஜா வருணி, ஷாரிக், அனிதா, அபினய், தாடி பாலாஜி, சினேகன், வனிதா விஜயக்குமார் ஆகியோர் வெளியேற்றப்பட்டுள்ளனர். முதல் வாரத்தில் வெளியேற்றப்பட்ட சுரேஷ் சக்கரவர்த்தி, வைல்டு கார்டு என்ட்ரியாக மீண்டும் வந்துள்ளார். கலக்க போவது யாரு சதீஷ், ரம்யா பாண்டியன் ஆகியோரும் வைல்டு கார்டு என்ட்ரியாக வந்துள்ளனர்.

இந்த வாரமும் டபுள் எவிக்ஷனா

51 நாட்களை கடந்துள்ள பிக்பாஸ் அல்டிமேட் நிகழ்ச்சியில் தற்போது நடைபெறும் எட்டாவது வாரத்தில் அபிராமி, பாலா, ஜுலி, ரம்யா பாண்டியன், சதீஷ், சுரேஷ் சக்கரவர்த்தி, சுருதி ஆகியோர் நாமினேட் செய்யப்பட்டுள்ளனர். இந்த வார கேப்டனாக தாமரை இருந்து வருவதால் அவரை நாமினேட் செய்ய முடியாது. இந்த வாரமும் டபுள் எவிக்ஷன் நடத்தப்படலாம் என சொல்லப்படுகிறது. இந்நிலையில் வழக்கம் போல் கார் டாஸ்க் தற்போது கொடுக்கப்பட்டுள்ளது.

சடுகுடு வண்டிக்குள் சண்டை

சடுகுடு வண்டி என பெயரிடப்பட்டுள்ள இந்த டாஸ்க்கில் போட்டியாளர்கள் அனைவரும் வண்டிக்குள் ஏற வேண்டும். அவர்களை வெளியேற்ற பல தடை செய்யப்படும். அந்த தடைகளை தாண்டி, போட்டியாளர்களையும் சமாளித்து கடைசி வரை வண்டியில் இருப்பவர் தான் வெற்றியாளர் என சொல்லப்பட்டுள்ளது. இதில் போட்டியில் தொடர உனக்கு தகுதியில்லை என ஒவ்வொருவரும் மாறி மாறி சொல்லிக் கொள்ள அது பெரிய வாக்குவாதமாக மாறி உள்ளது.

யாருக்கு தகுதி இருக்கு

இந்த டாஸ்கில் இருந்து இதுவரை சதீஷ், ரம்யா பாண்டியன், சுரேஷ் சக்கரவர்த்தி, நிரூப் போன்றோர் வெளியேறி உள்ளனர். தற்போது பாலா, சுருதி, அபிராமி, தாமரை, ஜுலி ஆகியோர் போட்டி போட்டு வருகிறார்கள். இதில் ஏன் தனக்காக ஓட்டுப் போடவில்லை என பாலா, சுருதியிடம் வாக்குவாதம் செய்கிறார். ஆனால் சுருதியோ, ஏன் ஜுலியை கேட்காமல் என்னை மட்டும் கேட்கிறாய் என சண்டை போடுகிறார். இதுவரை பாசம், நட்பு என பேசி வந்த போட்டியாளர்கள் இப்போது அடித்துக் கொள்ளாத குறையாக சண்டை போட்டு வருகிறார்கள். இதனால் கடைசி வரை தாக்குபிடித்து யார் வெற்றி பெற போகிறார் என்ற எதிர்பார்ப்பு ஏற்பட்டுள்ளது.