Varisu Second Single: விஜய் ஸ்வாக்.. சிம்பு வாய்ஸ்.. ரசிகர்களின் தேசிய கீதமான ’தீ தளபதி’.. வேறலெவல்!

வாரிசு செகண்ட் சிங்கிள்

கார்த்தியின் தோழா படத்தை இயக்கிய தெலுங்கு இயக்குநர் வம்சி இயக்கத்தில் விஜய் நடிப்பில் உருவாகி உள்ள படம் தான் வாரிசு. முதல் பாடலான ரஞ்சிதமே பாடல் மிகப்பெரிய ஹிட் அடித்த நிலையில், டிசம்பர் 4ம் தேதி மாலை 4 மணிக்கு வாரிசு படத்தின் செகண்ட் சிங்கிள் வெளியாகும் என அறிவிக்கப்பட்ட நிலையில், தற்போது 'தீ தளபதி' பாடல் வெளியாகி உள்ளது.

தெறிக்கும் தீ தளபதி

ரஞ்சிதமே பாடலில் அந்த கடைசி ஒரு நிமிட பீட்டுக்கே இசையமைப்பாளர் தமனை விஜய் ரசிகர்கள் கொண்டாடி தீர்த்த நிலையில், தற்போது தளபதி ரசிகர்களின் தேசிய கீதமாகவே இந்த 'தீ தளபதி' பாடலை போட்டு தெறிக்கவிட்டுள்ளார் தமன். லிரிக் வீடியோவில் காட்டப்படும் விஜய்யின் காட்சிகள் ரசிகர்களை கூஸ்பம்ப்ஸ் அடைய வைத்துள்ளது.

சிம்பு வாய்ஸ் அண்ட் டான்ஸ்

வாரிசு படத்தின் முதல் பாடலான ரஞ்சிதமே பாடலை நடிகர் விஜய் பாடியிருந்த நிலையில், தற்போது வெளியாகி உள்ள தீ தளபதி செகண்ட் சிங்கிளை நடிகர் சிம்பு தனது வெறித்தனமான குரலில் பாடி ஆடி அசத்தி உள்ளார். சிம்புவுடன் இணைந்து சாண்டி மாஸ்டர் நடனம் ஆடி உள்ளார். தனது படங்களை தாண்டி மற்ற நடிகர்களின் படங்களுக்கும் சிம்பு பாட்டு பாடி வருவது குறிப்பிடத்தக்கது. சமீபத்தில் தனது நண்பர் மகத்துக்காக இந்தி பாடல் ஒன்றை பாடி இருந்தார்.

விஜய் ஸ்வாக்

பாஸ் இஸ் ரிட்டர்ன்ஸ் என்பதற்கு ஏற்றார்போல வாரிசு படத்தின் செகண்ட் சிங்கிளான தீ தளபதி பாடலில் நடிகர் விஜய்யின் காட்சிகள் எல்லாமே தியேட்டரில் ரசிகர்கள் விசிலடித்து வாய் வலிக்கும் அளவுக்கு இருக்கப் போவது கன்ஃபார்ம் ஆகி உள்ளது. ஒவ்வொரு காட்சியிலும் வ்ஜய்யின் ஸ்வாக் மரண மாஸ் காட்டுகிறது.

30 இயர்ஸ் ஆஃப் விஜய்யிஸம்

நடிகர் விஜய் சினிமாவில் நடிக்க வந்து 30 ஆண்டுகள் ஆன நிலையில், #3DecadesOfVIJAYism ஹாஷ்டேக்கை உருவாக்கி இந்த பாடலை வாரிசு படக்குழு தற்போது வெளியிட்டுள்ளது. வரும் பொங்கலுக்கு தியேட்டரில் விஜய் ரசிகர்களுக்கு வாரிசு ட்ரீட் காத்துக் கொண்டிருப்பது கன்ஃபார்ம்.

இது திருப்பிக் கொடுக்கும் நேரம் மாமே

"Its Time to give it back Maame" என்றும் இது திருப்பிக் கொடுக்கும் நேரம் என பீஸ்ட் பட சொதப்பலுக்கும் அதன் பின்னர் வெளியான விமர்சனங்களுக்கு பதிலடி கொடுக்கும் விதமாக பாடலாசிரியர் விவேக் எழுதியுள்ள தீப்பிடிக்கும் லிரிக்ஸ் விஜய் ரசிகர்களை உற்சாகத்தின் உச்சிக்கே கொண்டு சென்றுள்ளது.