பொங்கலுக்கு இல்லை.. புத்தாண்டுக்கே பெரிய போட்டி காத்திருக்கு.. வாரிசு, துணிவு டிரைலர் வருது!

துணிவு டே

நேர்கொண்ட பார்வை மற்றும் வலிமை படங்களுக்கு இல்லாத அளவு இந்த முறை துணிவு படத்துக்கு மிகப்பெரிய அளவில் ப்ரமோஷன் பணிகளை படத்தை வாங்கியுள்ள லைகா நிறுவனம் ஆரம்பித்துள்ளது. வான்வெளியில் துணிவு போஸ்டரை பறக்கவிட்ட நிலையில், அடுத்து புர்ஜ் கலிஃபாவில் டிசம்பர் 31ம் தேதி பெரிய சம்பவம் பண்ண காத்திருப்பதாக தகவல்கள் வெளியாகி உள்ளன.

துணிவு டிரைலர்

அதே போல அஜித், மஞ்சு வாரியர், சமுத்திரகனி, பாவனி, அமீர், சிபி உள்ளிட்ட பலர் நடிப்பில் உருவாகி உள்ள துணிவு படத்தின் டிரைலர் வரும் டிசம்பர் 31ம் தேதி வெளியாகி புத்தாண்டு ட்ரீட்டாக அஜித் ரசிகர்களுக்கு அமையும் என எதிர்பார்க்கப்படுகிறது.

வாரிசு டிரைலரும் வருது

வாரிசு இசை வெளியீட்டு விழா பிரம்மாண்டமாக நடைபெற்ற நிலையில், வரும் டிசம்பர் 31ம் தேதி வாரிசு படத்தின் டிரைலரை ஐதராபாத்தில் பெரிய விழாவே நடத்தி வெளியிட தயாரிப்பாளர் தில் ராஜு திட்டமிட்டு வருவதாகவும் தகவல்கள் வெளியாகி உள்ளன. வாரிசு ஆடியோ லாஞ்ச் விழாவும் சன் டிவியில் நியூ இயர் ஸ்பெஷல் நிகழ்ச்சியாக ஒளிபரப்பாக உள்ளது குறிப்பிடத்கது.

நியூ இயர் கிளாஷ்

வரும் பொங்கலுக்கு வாரிசு மற்றும் துணிவு படங்கள் போட்டி போட உள்ள நிலையில், அதற்கு முன்னதாகவே வரும் நியூ இயர் 2023க்கு வாரிசு டிரைலர் மற்றும் துணிவு டிரைலர் இரண்டுக்கும் இடையே பெரும் போட்டி நிலவ உள்ளது குறிப்பிடத்தக்கது. டிரைலர் வெளியானாலே எந்த படம் பாக்ஸ் ஆபிஸை ஆக்கிரமிக்கும் என்பதை பாதி கணித்து விடலாம் என பலரும் எதிர்பார்த்து காத்திருக்கின்றனர்.

பாடல்களில் வாரிசு முன்னிலை

இதுவரை வாரிசு மற்றும் துணிவு படங்களின் பாடல்கள் வெளியாகி உள்ளன. யூடியூப் வியூஸ் ரெக்கார்டு சாதனையில் வாரிசு பட பாடல்கள் துணிவு படத்தை தூக்கி சாப்பிட்டு விட்டது. அடுத்து புத்தாண்டுக்கு வெளியாக உள்ள டிரைலர் மோதல் எப்படி இருக்கப் போகுது என்பதை காண ரசிகர்கள் வெயிட்டிங்!