முகப்பு

செய்திகள்

சென்னை: தமிழின் சிறந்த இயக்குனர்களில் ஒருவரான வெற்றிமாறன் இயக்கியிருக்கும் படம் விசாரணை, லாக்-அப் என்ற நாவலை அடிப்படையாகக் கொண்டு எடுக்கப்பட்டிருக்கும் இந்த படம் விரைவில் திரையைத் தொடவிருக்கிறது.

அட்டக்கத்தி தினேஷ் சமுத்திரக்கனி, கிஷோர் மற்றும் முருகதாஸ் ஆகியோர் இந்தப் படத்தில் முதன்மை கதாபாத்திரங்களில் நடித்து உள்ளனர். விசாரணை என்ற பெயரில் அப்பாவி மக்கள் மீது காவல்துறை பிரயோகிக்கும் அராஜகங்களைப் பற்றி பேசும் படமாக விசாரணை உருவாகி இருக்கிறது.

சர்வதேச இயக்குநர்களின் படங்கள் கலந்து கொண்டு போட்டியிடும் வெனிஸ் திரைப்பட விழாவில், இயக்குநர் வெற்றிமாறனின் விசாரணை திரைப்படமும் கலந்து கொள்கின்றது. தமிழ் திரைப்படம் ஒன்று வெனிஸ் திரைப்பட விழாவில் கலந்து கொள்வது இதுவே முதல்முறை, அந்தப் பெருமையை இயக்குநர் வெற்றிமாறனின் விசாரணை திரைப்படம் தட்டிச் செல்கிறது.

இந்த மகிழ்ச்சியான அனுபவம் குறித்து இயக்குநர் வெற்றிமாறன் கூறும்போது "72 வருட பாரம்பரியமிக்க வெனிஸ் திரைப்பட விழாவின் வரலாற்றில் ஒரு தமிழ்ப்படம் திரையிடப்படுவது இதுவே முதல்முறை" என்று மகிழ்ந்து உள்ளார்.

In the 72 years history of Venice film festival #Visaaranai is the first Tamil feature to enter in a competitive category.

— Vetri Maaran (@VetriMaaran) July 29, 2015

விரைவில் திரைக்கு வரவிருக்கும் இந்தப் படத்திற்கு ஜி.வி.பிரகாஷ் இசையமைத்திருக்கிறார், விசாரணை படத்தைத் தயாரித்து இருக்கிறார் நடிகர் தனுஷ்.