ரன், சண்டக்கோழி, வேட்டையை நழுவவிட்ட விஜய்

மாதவன் நடித்த ரன்

லிங்குசாமி இயக்கத்தில் மாதவன், மீரா ஜாஸ்மீன் நடிப்பில் வெளிவந்த ரன் படம் சூப்பர் ஹிட்டானது. ஆனால் அந்த படத்தின் திரைக்கதையை விஜய்யை மனதில் வைத்து எழுதியுள்ளார் லிங்குசாமி. பல்வேறு காரணங்களால் விஜய் நடிக்க முடியாமல் போனது.

விஷாலின் சண்டக்கோழி

விஷால், மீரா ஜாஸ்மீனை வைத்து லிங்குசாமி இயக்கிய வெற்றிப் படம் சண்டக்கோழி. இந்த படத்தின் கதையும் விஜய்யை மனதில் வைத்து எழுதப்பட்டது. ஆனால் இதிலும் விஜய் நடிக்கவில்லை.

மாதவன், ஆர்யாவின் வேட்டை

மாதவன், ஆர்யா நடிப்பில் கடந்த ஆண்டு வெளியான வேட்டை படம் நன்றாக ஓடியது. லிங்குசாமி இந்த படத்தில் விஜய்யை நடிக்க வைக்கும் எண்ணத்தில் இருந்துள்ளார். கதையையும் விஜய்யிடம் கூறியுள்ளார். ஆனால் விஜய் நடிக்க முடியாமல் போனது.

அடுத்து விஜய்யை இயக்கும் லிங்குசாமி?

ரன், சண்டக்கோழி, வேட்டை படக் கதைகளை விஜய்யிடம் கூறியும் அவர் நடிக்க முடியாமல் போய்விட்டது. ஆனால் தான் சூர்யாவை வைத்து எடுக்கும் படத்தை முடித்த பிறகு இளைய தளபதியுடன் படம் பண்ணப் போவதாக அவர் தெரிவித்துள்ளார்.