விஜய் பிறந்தநாளுக்கு இவங்களும் ட்ரீட் கொடுக்க போறாங்களா...இதை எதிர்பார்க்கவே இல்லையே

தளபதி 66 ஃபர்ஸ்ட்லுக் போஸ்டர்

இதைத் தொடர்ந்து விஜய் தற்போது நடித்து வரும் தளபதி 66 படக்குழுவினர், விஜய்யின் பிறந்தநாளை முன்னிட்டு ஜுன் 21 ம் தேதி மாலை 6.01 மணிக்கு தளபதி 66 படத்தின் ஃபர்ஸ்ட்லுக் போஸ்டரை வெளியிட உள்ளதாக அதிகராப்பூர்வமாக அறிவித்துள்ளனர்.

டைட்டிலும் வர போகிறதா

அதுமட்டுமல்ல ஃபர்ஸ்ட்லுக் வெளியிடப்பட்ட சில மணி நேரங்களிலேயே ஜுன் 21 ம் தேதி நள்ளிரவு சரியாக 12 மணிக்கு தளபதி 66 படத்தின் செகண்ட் லுக் வெளியிடப்பட உள்ளது. அதோடு தளபதி 66 படத்தின் டைட்டிலையும் படக்குழு வெளியிட உள்ளதாக கூறப்படுகிறது. இதனால் ரசிகர்கள் செம எதிர்பார்ப்புடன் காத்திருக்கிறார்கள்.

தளபதி 67 அறிவிப்பும் வருது

தளபதி 66 மட்டுமல்ல, விஜய் பிறந்தநாளை கொண்டாடும் விதமாகவும், அவரது ரசிகர்களை கொண்டாட வைப்பதற்காகவும், பிறந்தநாள் ட்ரீட்டாக லோகேஷ் கனகராஜ் இயக்கத்தில் விஜய் நடிக்க உள்ள தளபதி 67 படத்தின் அறிவிப்பையும் தளபதி 67 டீம் வெளியிட உள்ளதாக தகவல் வெளியாகி உள்ளது. தளபதி 67 படத்தின் அறிவிப்பு ஜுன் 22 ம் தேதி மாலை 6 மணிக்கு வெளியிட உள்ளதாக தகவல் வெளியாகி உள்ளது.

இவங்களும் ட்ரீட் தராங்களா

இந்த சமயத்தில் செவன் ஸ்க்ரீன் ஸ்டூடியோ சார்பில் விஜய்யின் பிறந்தநாளை முன்னிட்டு ஜுன் 21 ம் தேதி மாலை 5 மணிக்கு ஸ்பெஷல் வீடியோ ஒன்றை வெளியிட உள்ளதாக கலர்ஃபுல் போஸ்டர் ஒன்றுடன் அறிவிப்பு வெளியிட்டுள்ளனர். விஜய் அடுத்ததாக நடிக்க உள்ள தளபதி 67 படத்தை செவன் ஸ்க்ரீன் ஸ்டூடியோஸ் தான் தயாரிக்க உள்ளது.

இன்னும் சர்ப்ரைஸ் இருக்கா

இது தவிர இன்னும் பல ஸ்பெஷல் சர்ப்ரைஸ்கள் விஜய்யின் ரசிகர்களுக்காக காத்திருப்பதாக சொல்லப்படுகிறது. இன்னும் யாரெல்லாம் என்ன ட்ரீட் கொடுக்க போகிறார்கள் என்பதை தெரிந்து கொள்ள ரசிகர்கள் ஆர்வமாக உள்ளனர்.