நாளை பீஸ்ட் ரிலீஸ்...விஜய்யின் அப்பா எஸ்ஏசி என்ன சொல்லிருக்கார் தெரியுமா ?

பீஸ்ட் FDFS எப்போ

உலகம் முழுவதும் 5 மொழிகளில் பீஸ்ட் படம் நாளை ரிலீசாக உள்ளது. அமெரிக்காவில் இந்திய நேரப்படி இன்று பிற்பகல் 3.30 மணிக்கு ரிலீசாக உள்ளது. இந்தியாவில் நாளை காலை 4 மணிக்கு ஃபர்ஸ்ட் டே ஃபர்ஸ்டை் ஷோ திரையிடப்பட உள்ளது. மற்ற மொழிகளில் பீஸ்ட் என்ற பெயரிலும், இந்தியில் ரா என்ற பெயரிலும் இந்த படம் ரிலீசாக உள்ளது.

ஆஃபர்னா இப்படி இருக்கனும்

பீஸ்ட் ரிலீசை திருவிழாவாக கொண்டாடுவதற்காக புதுச்சேரியில் நடுக்கடலில் விஜய்யின் கட்அவுட்டை வைத்துள்ளார்கள் ரசிகர்கள். விஜய்யின் தீவிர ரசிகர்களாக வியாபாரிகள் சிலர் பீஸ்ட் படம் பார்ப்பவர்களுக்கு சிறப்பு சலுகைகளை வழங்கி வருகிறார்கள். விருதுநகரில் ஒரு தியேட்டரில் பீஸ்ட் படத்தின் FDFS பார்க்க 5 டிக்கெட்கள் வாங்கினால் ஒரு லிட்டர் பெட்ரோல் இலவசம் என ஆஃபர் அறிவித்துள்ளனர்.

விஜய் அப்பா என்ன சொல்றார்

இந்நிலையில் விஜய்யின் அப்பா எஸ்ஏசி, பீஸ்ட் படம் பற்றி பேசி உள்ள வீடியோ வெளியாகி உள்ளது. அதில், நாளை பீஸ்ட் படம் ரிலீஸ். உங்களைப் போலவே நானும் காத்திருக்கிறேன் பீஸ்ட் படம் பார்க்க, விஜய் ரசிகனாக என பேசி உள்ளார். இந்த வீடியோ வெளியாகி செம டிரெண்டிங் ஆகி உள்ளது.

Recommended Video

Will Thalapathy become Thalaivan? Vijay answers | Beast Vijay Interview | Filmibeat Tamil

அப்பா பற்றி விஜய் பேச்சு

இரண்டு நாட்களுக்கு முன் சன் டிவியில் ஒளிபரப்பான பேட்டியில் பேசிய விஜய்யிடம் அப்பா பற்றி கேட்டதற்கு, எல்லா அப்பாக்களும் மரத்தில் உள்ள வேர்கள் போன்றவர்கள். அவர்கள் செய்வது வெளியில் தெரியாது. அப்பா தெய்வத்திற்கு சமம் என பேசி இருந்தார். இந்த சமயத்தில் எஸ்ஏசி, தான் விஜய்யின் ரசிகனாக பீஸ்ட் பார்க்க காத்திருப்பதாக கூறி உள்ளது. விஜய் ரசிகர்களை உற்சாகமடைய வைத்துள்ளது.