7ம் தேதி சத்யம் சினிமாஸ் வரலாற்றில் புதிய சாதனை படைக்கும் விஜய் சேதுபதி: என்ன தெரியுமா?

தர்மதுரை

விஜய் சேதுபதி, தமன்னா நடித்த தர்மதுரை படம் கடந்த ஆகஸ்ட் மாதம் 19ம் தேதி வெளியானது. அதன் பிறகு அவரின் ஆண்டவன் கட்டளை படம் செப்டம்பர் 23ம் தேதி திரைக்கு வந்தது. இந்நிலையில் வரும் 7ம் தேதி விஜய் சேதுபதியின் றெக்க படம் ரிலீஸாக உள்ளது.

சத்யம் சினிமாஸ்

சென்னையில் உள்ள சத்யம் சினிமாஸ் தியேட்டரில் விஜய் சேதுபதி நடிப்பில் வெளியான தர்மதுரை மற்றும் ஆண்டவன் கட்டளை ஆகிய படங்கள் ஓடிக் கொண்டிருக்கின்றன.

றெக்க

சத்யம் சினிமாஸில் ஏற்கனவே விஜய் சேதுபதியின் இரண்டு படங்கள் ஓடிக் கொண்டிருக்கும்போது வரும் வெள்ளிக்கிழமை றெக்க படம் ரிலீஸாகிறது. அப்படி என்றால் சத்யம் சினிமாஸில் ஒரே சமயத்தில் விஜய் சேதுபதியின் 3 படங்கள் ஓடும்.

விஜய் சேதுபதி சாதனை

சத்யம் சினிமாஸ் வரலாற்றில் ஒரே நடிகர் நடித்த மூன்று படங்கள் அதுவும் ஒரே சமயத்தில் திரையிடப்படுவது இது தான் முதல் முறை ஆகும். இதன் மூலம் சத்யம் சினிமாஸ் வரலாற்றில் விஜய் சேதுபதி புதிய சாதனை படைக்க உள்ளார்.