ஐ 'வெற்றி விருந்து'.... செம குஷியில் விஜய், விக்ரம், ஷங்கர்!

ஐ படத்தின் வெற்றிக் கொண்டாட்டத்தில் நடிகர் விஜய், விக்ரம், இயக்குநர் ஷங்கர் உள்ளிட்டோர் பங்கேற்று விடிய விடிய கொண்டாடினர்.

சென்னையில் உள்ள லீலா பேலஸ் ஹோட்டலில் இந்த விருந்து நிகழ்ச்சி நடந்தது.

இந்தப் படம் மூலம் முதல் முறையாக ரூ 100 கோடி க்ளப்பில் சேர்ந்துவிட்ட நடிகர் விக்ரம் மிக உற்சாகமாக பங்கேற்று, அனைவரையும் வரவேற்றார்.

நடிகர் விஜய்யும், ஷங்கரும் இந்த விருந்தில் பங்கேற்று நீண்ட நேரம் பேசிக் கொண்டிருந்தனர். அவர்களின் குடும்பத்தினரும் இந்த விருந்தில் கலந்துகொண்டனர்.

நல்ல குத்துப் பாடல்களைப் போடச் சொல்லி, டான்ஸ் ஆடி மகிழ்ந்தனர் விஜய் உள்ளிட்ட அனைவரும்.

இயக்குநர் ஷங்கர் அடுத்து விஜய்யை வைத்து ஒரு படம் (பீகே ரீமேக் என்கிறார்கள்) இயக்கப் போவதாக வரும் செய்திகளை இந்த விருந்து உறுதிப்படுத்துவதாக பேச ஆரம்பித்துள்ளனர்.