For Quick Alerts
    ALLOW NOTIFICATIONS  
    For Daily Alerts

    விருமன் அடுத்த ரிலீஸ் திருச்சிற்றம்பலம்?.. யூடியூப் சேனல் பதில்.. திரையுலகினர் அதிர்ச்சி

    |

    சென்னை: விருமன் படம் வெளியானதை அடுத்து திருச்சிற்றம்பலம் படத்தை வெளியிட வேண்டும் என கமெண்டில் கோரிக்கை வைக்க ஓக்கே செய்துடுவோம் என யூடியூப் சானல் பதிலளித்துள்ளது.

    Recommended Video

    Thiruchitrambalam படம் எப்படி இருக்கு? | சினிமா செய்திகள் அப்டேட்.. | Live | Filmibeat Tamil

    விருமன் படம் யூடியூபில் காலையில் வெளியானது. இதனால் கார்த்தி ரசிகர்கள் அதிர்ச்சி அடைந்தனர். சைபர் குற்றவாளிகளால் திரையுலகினர் அதிர்ச்சியில் ஆழ்ந்துள்ளனர்.

    படம் வெளியான சில மணி நேரங்களில் ஆயிரக்கணக்கானோர் பார்த்துவிட்டனர். இந்நிலையில் 2 டி நிறுவனம் எடுத்த நடவடிக்கையால் படம் நீக்கப்பட்டது.

    யூடியூபில் வெளியானது ’விருமன்’ மூவி..ரசிகர்கள் அதிர்ச்சி..நடவடிக்கை எடுத்த நிறுவனம் யூடியூபில் வெளியானது ’விருமன்’ மூவி..ரசிகர்கள் அதிர்ச்சி..நடவடிக்கை எடுத்த நிறுவனம்

     ஊரான் வீட்டு நெய்யே...சைபர் குற்றத்தில் ஈடுபட்ட தனியார் யூடியூப் சானல்

    ஊரான் வீட்டு நெய்யே...சைபர் குற்றத்தில் ஈடுபட்ட தனியார் யூடியூப் சானல்

    நடிகர் கார்த்திக் நடிப்பில் வெளியான விருமன் திரைப்படம் திரையரங்குகளில் வெற்றிகரமாக ஓடிக் கொண்டிருக்கிறது. விரைவில் இது ஓடிடி தளத்தில் வெளியாகும் என பட குழு அறிவித்துள்ளது. படம் திரையரங்கில் ஓடிக் கொண்டிருக்கும் பொழுது இன்று காலையில் தனியார் youtube சேனலில் இப்படம் எச்டி டைமன்சனுடன் வெளியிடப்பட்டது. இதனால் கார்த்தி ரசிகர்கள் அதிர்ச்சி அடைந்தனர். படம் வெளியான சில மணி நேரங்களில் ஆயிரக்கணக்கானோர் படத்தை பார்த்தனர். சிலர் கமெண்ட் களும் பதிவிட்டு youtube சேனலை வாழ்த்தியிருந்தனர்.

    உடனடி சட்ட நடவடிக்கையில் இறங்கிய படக்குழு

    உடனடி சட்ட நடவடிக்கையில் இறங்கிய படக்குழு

    Youtube-ல் விருமன் படம் வெளிவந்தது குறித்து 2டி நிறுவனத்திற்கு பலரும் தகவல் தெரிவிக்க அதிர்ச்சி அடைந்த நிறுவனம் உடனடியாக சட்ட நடவடிக்கையில் இறங்கியது. யூடியூப் நிறுவனத்திற்கு உடனடியாக தகவல் தெரிவிக்கப்பட விருமன் படம் youtube தளத்திலிருந்து சில மணி நேரங்கள் கழித்து நீக்கப்பட்டது. வெளியிட்ட சானலும் முடக்கப்பட்டது. படத்தை பார்த்துக் கொண்டிருந்த பலர் திடீரென படம் நீக்கப்பட்டதால் குழப்பம் அடைந்தனர். படம் எப்படி வெளியானது, தியேட்டரில் ஓடிக் கொண்டிருக்கும் பொழுது அதன் முழு ஹெச்டி பிரிண்ட் எப்படி தனியார் youtube சேனல் கையில் கிடைத்தது. அவர்கள் எப்படி வெளியிட்டார்கள் என்பது குறித்து விசாரணை நடந்து வருகிறது.

    திருச்சிற்றம்பலம் படத்தை வெளியிட கோரிக்கை

    திருச்சிற்றம்பலம் படத்தை வெளியிட கோரிக்கை

    படம் வெளியானவுடன் கீழே கமெண்ட்டில் ஏராளமானோர் வரவேற்று வாழ்த்தியிருந்தனர். மேலும் பலர் புதிய தமிழ் படங்களை இதுபோல் வெளியிட வேண்டும் எனக் கோரிக்கை வைத்திருந்தனர். சிலர் தனுஷ் நடித்து வெளியாகியுள்ள திருச்சிற்றம்பலம் உள்ளிட்ட புதிய படங்களை வெளியிட வேண்டும் என்றும் கோரிக்கை வைத்திருந்தனர். ஒவ்வொரு கமெண்ட்க்கும் youtube சேனல் நிறுவனத்தினர் ரிப்ளை செய்திருந்தனர். திருச்சிற்றம்பலம் படம் வெளியிட வேண்டும் என சிலர் கமெண்டில் கோரிக்கை வைக்க கண்டிப்பாக என்று பதிலளித்திருந்தனர். இந்நிலையில் 2டி நிறுவனம் நடவடிக்கையால் மொத்தமாக அந்த தனியார் யூடியூப் சேனலில் அந்த பக்கம் முடக்கப்பட்டது. அவர்கள் மீது சட்ட நடவடிக்கை வரும் என தெரிகிறது.

    முன்பு தமிழ் ராக்கர்ஸ் தற்போது விருமன் வெளியீடு அலறும் திரைத்துரையினர்

    முன்பு தமிழ் ராக்கர்ஸ் தற்போது விருமன் வெளியீடு அலறும் திரைத்துரையினர்

    விருமன் படத்தை வெளியிட்ட தனியார் youtube சேனல் மொத்தமே சில ஆயிரம் சப்ஸ்கிரைபர்கள் மட்டுமே கொண்டிருந்ததை காண முடிந்தது. இவர்கள் எப்படி இந்த படத்தின் லிங்குகளை எச்டி பிரிண்ட்டில் வெளியிட்டார்கள். இவர்கள் யார்? எங்கிருந்து இந்த youtube சேனல் இயங்குகிறது? என்பது குறித்து பட நிறுவனம் சார்பில் சைபர் கிரைம் பிரிவுக்கு புகார் அளிக்கப்பட்டு அதன் மீது மேல் நடவடிக்கை வரும் என தெரிகிறது. முன்பு தமிழ் ராக்கர்ஸ் குழுவினர் திரைப்படம் வெளியாவதற்கு முன் அதன் பிரிண்ட்களை வெளியிட்டு பல தயாரிப்பாளர்களுக்கு பெருத்த நஷ்டத்தை ஏற்படுத்தி இருந்தனர். பின்னர் அவர்களே அறிவித்துவிட்டு இந்த நடவடிக்கையில் இருந்து விலகினார்.

    அடுத்து புதிய படங்களை வெளியிடவும் வாய்ப்புள்ளது

    அடுத்து புதிய படங்களை வெளியிடவும் வாய்ப்புள்ளது

    தற்போது இது போன்று ஒரு நடவடிக்கை படக் குழுவினரை அதிர்ச்சியில் ஆழ்த்தியுள்ளது. அடுத்த திருச்சிற்றம்பலம் என்று கமெண்டில் கோரிக்கை வைத்ததற்கு கண்டிப்பாக என அவர்கள் தெரிவித்தது திருச்சிற்றம்பலம் பட குழுவினரையும் அதிர்ச்சியில் ஆழ்த்தி உள்ளது. இந்த தனியார் யூடியூப் சானலை முடக்கினாலும், சம்பந்தப்பட்டவர்களை கண்டுபிடித்து நடவடிக்கை எடுக்காவிட்டால் இதே போன்று வேறொரு யுடியூப் சேனலை தொடங்கி அதில் இதுபோன்று புதிய படத்தை வெளியிட வாய்ப்பு உள்ளது. இதனால் திருச்சிற்றம்பலம் பட குழுவினர் கவனத்துடன் இருக்குமாறு திரைத்துறையினர் வலியுறுத்தியுள்ளனர். இதுபோன்ற சைபர் குற்றவாளிகளின் செயல்கள் பலகோடி முதலீடு செய்து படம் தயாரிக்கும் திரைத்துறையினரை அதிர்ச்சியில் ஆழ்த்தியுள்ளது.

    English summary
    After the release of Viruman, the YouTube channel has responded that it will be okay to request the release of Tiruchirambalam in the comments.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X