அப்படி என்ன அவசரம் முல்லை.. விஜே சித்துவின் திடீர் தற்கொலையால் கதறி அழும் ரசிகர்கள் #RIpmullai

நொடிக்கு நொடி அதிரடி

கல்லூரி படிப்பை முடித்த பிறகு மக்கள் டிவியில் தொகுப்பாளினியாக அறிமுகமானார் விஜே சித்ரா. நொடிக்கு நொடி அதிரடி விளையாட்டை விஜே சித்ரா தொகுத்து வழங்குகிறார் என்பதற்காகவே ஏகப்பட்ட பேர் அந்த தொலைக்காட்சியையும் அந்த நிகழ்ச்சியையும் கண்டு ரசிக்க ஆரம்பித்தனர். விஜே சித்ராவின் ரசிகர்கள் அந்த வீடியோவை தற்போது வைரலாக ஷேர் செய்து தங்களின் சோகத்தை வெளிக்காட்டி வருகின்றனர்.

வெரி பேட்

வெரி பேட் டே என்றும் வெரி பேட் நியூஸ் என்றும் பதிவிட்டுள்ள இந்த நெட்டிசன், தன்னுடைய ஃபேவரைட் விஜே சித்ரா தற்கொலை செய்து கொண்டதை தாங்க முடியவில்லை என பதிவிட்டு #RIPChitra #RIPMULLAI #WEMISSYOUMULLAI என ஏகப்பட்ட ஹாஷ்டேக்குகளை டிரெண்ட் செய்து கண்ணீர் கடலில் ஆழ்ந்துள்ளார்.

அநியாயமா போயிடுச்சு

"அழகு புள்ள அநியாயமா போய்டுச்சு", ரொம்ப மிஸ் பண்றோம் முல்லை, முல்லை அக்கா ஏன் இவ்ளோ அவசரம், என்ன ஆச்சுன்னு தெரியலையே என ஏகப்பட்ட கமெண்ட்டுகளும் விஜே சித்ராவின் தற்கொலையில் சந்தேகத்தையும் அவரது ரசிகர்கள் கிளப்பி விடுகின்றனர்.

விஜய் ரசிகை

விஜே சித்ரா அக்கா உங்க மேரேஜுக்கு விஜய் அண்ணாவை கூட்டிட்டு வருவேன்னு எல்லாம் சொன்னீங்களே அக்கா.. எங்க போச்சு அந்த ஆசை எல்லாம்.. ரொம்பவே ஹார்ட் பிரேக்கிங் என இந்த தளபதி ரசிகர் இதயம் நொறுங்கிப் போய் கிடக்கிறார்.

டிஸ்கவரி சேனல் தவிர

Discovery Channel தவிர மத்த எல்லா சேனல்லயும் வேலை பாத்துருச்சுனு இந்த பொண்ண கலாய்ப்பாங்க, ஆனா ஒவ்வொரு தடவையும் கஷ்டபட்டு அடுத்தடுத்த லெவலுக்கு போய்கிட்டுருந்துச்சு.. சினிமாவிலும் நடிக்க வாய்ப்புகள் குவிந்து வந்த நிலையில், இப்படி ஆகிடுச்சே என இந்த நெட்டிசனும் சோகத்தில் ஆழ்ந்துள்ளார்.

முல்லையை ரொம்ப மிஸ் பண்ணுவோம்

பாண்டியன் ஸ்டோர்ஸில் முல்லை கதாபாத்திரத்தில் நடித்து ரசிகர்களின் ஒட்டுமொத்த அன்பையும் அள்ளி உள்ள விஜே சித்ராவை இனி ரொம்பவே மிஸ் பண்ணுவோம் என விஜய் டிவி ரசிகர்களும், சீரியல் ரசிகர்களும் ஏகப்பட்ட பதிவுகளை சமூக வலைதளங்கள் முழுவதும் பதிவிட்டு வருகின்றனர்.