Thunivu Twitter Review: தூள் கிளப்பியதா துணிவு? அஜித்தின் நம்பிக்கையை காப்பாற்றினாரா எச். வினோத்?

ரமேஷ் பாலா விமர்சனம்

அஜித் ரசிகரான ரமேஷ் பாலா வாரிசு படத்துக்கு 3.25 ரேட்டிங் கொடுத்திருந்தார். அதே நேரம் அஜித்தின் துணிவு படத்துக்கு 4 ரேட்டிங் கொடுத்துள்ளர். அஜித் குமாரின் ஆட்டிட்டியூட், 360 டிகிரி ஆக்‌ஷன், வசனங்கள் என அனைத்துமே தாறுமாறு என்றும் பணம் பற்றிய மெசேஜ் கூடுதல் போனஸ். கொடுத்த காசுக்கு மேலயே இந்த படம் நிறைவை தருகிறது என பதிவிட்டுள்ளார்.

துணிவு ஒன் மேன் ஷோ

வாரிசு படம் விஜய்யின் ஒன் மேன் ஷோ என பாராட்டப்பட்ட நிலையில், அஜித்தின் துணிவு படமும் ஒன் மேன் ஷோவாகவே இருப்பதாக இந்த ரசிகர் விமர்சித்துள்ளார். முன்னணி நடிகர்களுக்கான படங்களை இயக்கினாலே அது பெரும்பாலும் ஒன் மேன் ஷோவாக மாறுவதை தவிர்க்க முடியாத சூழல் உருவாகி உள்ளது.

செகண்ட் ஹாஃப் சொதப்பல்

முதல் பாதி முழுவதும் புல்லட் வேகத்தில் சென்ற அஜித்தின் துணிவு திரைப்படம் இரண்டாம் பாதியில் கருத்து சொல்கிறேன் என ரொம்பவே ஸ்லோவாகி விட்டதாக இந்த நெட்டிசன் தனது கருத்தை முன் வைத்துள்ளார். துணிவு படத்துக்கு இவரது ரேட்டிங் 2.75 மட்டும் தானாம்.

பக்கா பொங்கல் விருந்து

அஜித்தின் அட்டகாசம் முதல் பாதி முழுவதுமே திரையை தீப்பிடிக்க வைத்தது. இரண்டாம் பாதியில் நல்ல கருத்துள்ள இளைஞர்களுக்கு தேவையான விழிப்புணர்வு கன்டென்ட் உள்ளது. இந்த பொங்கல் பக்கா பொங்கல் விருந்து காத்திருக்கு என இந்த ரசிகர் தனது கருத்தை தெரிவித்துள்ளார்.

எச். வினோத் ஏமாத்திட்டாரு

தல அஜித், பிஜிஎம் சில மாஸ் காட்சிகள் படத்திற்கு பெரும் பலமாக உள்ளது. முதல் பாதி, தேவையில்லாத காட்சிகள், திரைக்கதை, இயக்கம், பிரடிக்டபிள் கிளைமேக்ஸ் என இயக்குநர் எச். வினோத் மீண்டும் ஒரு முறை முதுகில் குத்திட்டாரு என இந்த நெட்டிசன் நெகட்டிவ் விமர்சனம் கொடுத்துள்ளார்.

இரண்டுமே பார்க்கலாம்

இந்த பொங்கலுக்கு வெளியான வாரிசு மற்றும் துணிவு ஆகிய இரு படங்களுமே மெகா பிளாக்பஸ்டர் என சொல்லும் அளவுக்கு இல்லை என்றாலும், இரு படங்களும் ரசிகர்களையும் மக்களையும் நிச்சயம் திருப்திப்படுத்தும். பீஸ்ட் மற்றும் வலிமை போல ஏமாற்றாது என்றே ஏகப்பட்ட நெட்டிசன்கள் கருத்து தெரிவித்துள்ளனர்.