வேலன் தொடங்கி வள்ளி வரை... நடிகை ஜோதிலட்சுமியின் சீரியல் பயணங்கள்

டெரர் தோற்றம்

சினிமாவில் கவர்ச்சியாக நடித்த ஜோதி லட்சுமி, வேலன் சீரியலில் டெரரான தோற்றத்தில் சூனியக்கார கிழவியாக நடித்திருந்தார்.

அண்ணாமலை சீரியல்

ராதிகாவின் அண்ணாமலை சீரியலில் பணக்கார குடும்பத்து பெண்மணியாக நடித்திருந்தார். இது ரசிகர்களிடையே வரவேற்பை பெற்றது.

பெண் மந்திரவாதி

ராஜ ராஜேஸ்வரி, சூலம், உள்ளிட்ட பல சீரியல்களில் பெண் மந்திரவாதி தோற்றத்தில் நடித்துள்ளார் ஜோதிலட்சுமி. எல்லாமே வில்லத்தனமாக கதாபாத்திரங்கள்தான்.

வள்ளி பாட்டி

நீண்ட இடைவெளிக்குப் பிறகு சன் டிவியின் சரிகம நிறுவனம் தயாரித்துள்ள வள்ளி சீரியலில் கடந்த சில மாதங்களாக நடித்து வருகிறார். சரிகம நிறுவனம் என்பதால் நடிக்க ஒத்துக்கொண்டேன் என்று கூறிய ஜோதிலட்சுமி. மக்களை சந்தோசப்படுத்தி பார்ப்பதற்காக மீண்டும் நடிக்க வந்ததாக கூறினார்.

மூத்த கலைஞர்கள் மரணம்

சரிகம நிறுவனத்தின் டிவி சீரியல்களில் தொடர்ந்து நடித்து வந்த வியட்நாம் வீடு சுந்தரம் சில தினங்களுக்கு முன்பு மரணமடைந்தார். இந்தநிலையில் அதே நிறுவனத்தைச் சேர்ந்த மூத்த நடிகையாக ஜோதிலட்சுமியும் மரணமடைந்துள்ளார் என்பது குறிப்பிடத்தக்கது.