Bigg Boss 3 Tamil: கவின் சொன்னால் கடவுள் சொன்ன மாதிரியா?

அபிராமி கவின்

கவினுடன் வந்த அன்றே விருப்பம் தெரிவித்தது அபிராமிதான். என் அம்மா சரவணன் மீனாட்சி சீரியல் பார்ப்பாங்க.எனக்கு சீரியல் பார்க்கறதே பிடிக்காது. ஆனால், இந்த கவின் நல்லா இருக்கானேன்னு அம்மா கூட உட்கார்ந்து சரவணன் மீனாட்சி சீரியல் பார்க்க ஆரம்பிச்சேன். அப்பவே இவன் மேல எனக்கு ஒரு கிரஷ் வந்துருச்சு. சொன்னாலும் புரிஞ்சுக்காம மச்சி மச்சின்னு பேசி பேச்சை மாத்திடறான்....மாங்கா மடையன்னு அபிராமியும், சாக்க்ஷியும் பேசிக்கொண்டார்கள்.

சாக்க்ஷி கவின்

பிக் பாஸ் வீட்டில் இருக்கும் ஜெயிலுக்கு பக்கத்தில் அமர்ந்து பேசும் இடம் ஒன்று இருக்கிறது. அங்கு ஒரு நாள் இரவு நேரத்தில் கவினும், சாக்க்ஷியம் உட்கார்ந்து பேசிக்கொண்டு இருந்தார்கள்.நான் பொட்டு வச்சு இருக்கறது நல்லா இருக்கான்னு முகின்கிட்ட கேட்டது உனக்கு பிடிக்கலியான்னு சாக்க்ஷி கேட்கறாங்க. பின்னே பிடிக்குமா...பொட்டு வச்சா நல்லா இருக்கும்னு சொன்னதே நான்தான். அன்னிக்கு போட்டு வச்சு இருந்தது நல்லா இருக்குன்னு சொன்னதும் நான்தான் மச்சான். ஆனா, நீ மட்டும் என்னை மதிக்கலைன்னு கவின் சொல்றார்.

பொட்டு வச்சால்

நான் நெற்றியில் போட்டு வச்சால் நிஜமா நல்லாருக்கான்னு சாக்க்ஷி கேட்க, மச்சி சூப்பரா இருக்குடா மச்சின்னு கவின் சொல்ல, அன்றிலிருந்து இன்று வரை சாக்க்ஷி ஒரு நாளும் பொட்டு வைக்காமல் இருந்ததில்லை. இப்போது மற்ற ஹவுஸ் மேட்ஸ் கூட நெற்றியில் பொட்டு வச்சுக்க மறப்பதில்லை. நிஜமா வெறும் நெற்றி பாழ்னு சொல்லுவாங்க. பிக் பாஸ் பொண்ணுங்க பொட்டு வச்சுக்கறது நல்லாத்தான் இருக்கு.

நீதான் மச்சி புரிஞ்சுக்கலை

அன்னிக்கு எனக்கு வர லவ்வர் குவாலிட்டீஸ் பத்தி பேசினேனே அது உன்னைப்பத்திதான் பேசினேன்.அதை நீ புரிஞ்சுக்கவே இல்லை.. நீ முட்டாள்டான்னு சாக்க்ஷி சொல்ல, நீதான் முட்டாள்....எனக்கு வரப்போகும் லவ்வரோட குவாலிஃபிகேஷன் முதல் நாள் சொன்னேன். அதுலயே நீ வந்துட்ட.உனக்குத்தான் புரியலை தத்தின்னு செல்லமா திட்டறார் கவின்.

கிருத்திகாவிடம் கவின்

ரசிகை கிருத்திகா கவினுடன்தான் பேசணும்னு சொல்லி, உங்களுடன் நட்பாக இருக்கும் சாக்க்ஷி, அபிராமி, ஷெரீன், லொஸ்லியா யாரை லவ் பண்ண போறீங்கன்னு கேட்டப்போ, யாரையும் இல்லை.வீட்டிலே என் மாமா அத்தை பொண்ணுங்களோட விளையாடற மாதிரிதான் விளையாடறேன்னு கவின் சொல்றார். அபிராமி, சாக்க்ஷி இருவர் முகமும் மாறிவிட்டது.

கவின் நீங்க பிக் பாஸ் வீட்டில் விளையாட வந்தீங்களா...வந்திருக்கும் பெண்களை அத்தை பொண்ணு, மாமா பொண்ணுன்னு நினைச்சு விளையாட வந்தீங்களா? மனசு எல்லா பொண்ணுங்களுக்கும் ஒண்ணுதாங்க!