ஐ லவ் யூ சொல்லாமல் வந்த காதல்… புது ஜோடி கயல்சந்திரன்- அஞ்சனா

கயல் சேர்த்து வைத்த காதல்

அஞ்சனா விஜேவாக இருந்தபோது நான் சூரியன் எஃப் எம்மில் பணியாற்றினேன். அப்போது எல்லாம் எங்களுக்கு காதல் எதுவுமில்லை. கயல் படம் முடிந்த பின்னரே எங்களுக்குள் காதல் வந்தது என்கிறார் சந்திரன்.

வீட்டில் எதிர்ப்பு இல்லை

இவர்களின் காதலுக்கு வீட்டில் எந்த எதிர்ப்புமே வரவில்லையாம். காதலித்து இரு வீட்டார் சம்மத்தோடு நடக்கப் போகும் திருமணமாம். இந்த காதல் ஜோடிக்கு டுவிட்டரில் வாழ்த்துக்கள் குவிகிறதாம்.

அஞ்சனா மாதிரி பெண்

நான் அஞ்சனா போல அழகுள்ள ஒரு பெண்ணை திருமணம் செய்து கொள்ள வேண்டும் என்று என் அம்மாவிடம் சொன்ன போது, அதற்கு அவர், ‘‘நீ அஞ்சனாவையே திருமணம் செய்து கொள்ள வேண்டியதுதானே'' என்று சொன்னார் பிறகுதான் தைரியமாக அஞ்சனாவிடம் காதலை சொன்னேன் என்கிறார் சந்திரன்.

சம்மதம் சொன்ன அஞ்சனா

அஞ்சனாவிடம் ஐ லவ் யூ என்றெல்லாம் சொல்லவில்லை. ‘நாம் இருவரும் திருமணம் செய்து கொள்ளலாமா' என்றேன். அவர் மிகுந்த சந்தோசத்துடன் சரி என்றார். அவர் திருமணத்துக்கு சம்மதிப்பார் என்று நான் எதிர்பார்க்கவில்லை.

நிச்சயிக்கப்பட்ட திருமணம்

அஞ்சனா சரி என்று சொன்ன வார்த்தை என்னை மகிழ்ச்சியின் உச்சத்துக்கே கொண்டு சென்றது. இருவரும் ஒருவருக்கொருவர் மரியாதையுடன் நடந்து கொள்கிறோம். எங்களுக்கு நடக்க இருப்பது காதல் மற்றும் நிச்சயிக்கப்பட்ட திருமணம் என்கிறார் சந்திரன்.

ரொம்ப நல்ல பையன்

எங்கள் இருவருக்கும் நேரில் பார்த்த போது வராத காதல், டுவிட்டரில் வாழ்த்து, வாட்ஸ் அப்பில் சாட்டிங் என்று வளர்ந்தது. இப்போது திருமணத்தில் வந்து முடிந்துள்ளது என்று மகிழ்ச்சி பொங்க கூறுகிறார் அஞ்சனா.