வீட்டு வரவேற்பரைக்கு வரும் வீர சிவாஜியும், ஜான்சிராணியும்…

ராமாயணம்

தூர்தர்சன் காலத்தில் தொடங்கி தற்போது சேட்டிலைட் சேனல் காலம் வரை ராமாயணம் தொடரை பலமுறை ஒளிபரப்பியுள்ளனர். ஒவ்வொரு முறையும் அதில் நடித்த நடிகர்கள் தொடங்கி அனைத்துமே சுவாரஸ்யம்தான்.

தமிழ் பேசிய இதிகாசம்

சன் டிவியில் ராமாயணம் தொடரை டப்பிங் செய்து ஒளிபரப்பினார்கள். அதற்காகவே அந்த தொடரின் டி.ஆர்.பி எகிறியது.

மகாபாரதம்

தற்போது சன் டிவி, ஸ்டார் ப்ளஸ், விஜய் டிவி என மூன்று சேனல்களில் மகாபாரதம் ஞாயிறு காலையில் ஒளிபரப்பாகிறது. சன் டிவியில் தமிழ் நடிகர்கள் நடித்த நேரடி தமிழ் தொடர் தனி வரவேற்புதான் இதற்கும்.

பிரம்மாண்டமான தொடர்

ஸ்டார் ப்ளஸ் சேனலில் வித்தியாசமான கதைக்களத்தோடு பிரம்மாண்டமான முறையில் தயாரிக்கப்பட்ட மகாபாரதம் தினசரி வார நாட்களில் இரவு 7 மணிக்கு ஒளிபரப்பாகிறது. அதே நேரத்தில் ஸ்டார் விஜய் டிவியில் இந்த தொடரின் தமிழ் டப்பிங் தெடர் ஒளிபரப்பாகிறது. இதற்கு தனி ரசிகர்கள் வட்டம் உருவாகியுள்ளது.

வீர சிவாஜி

மராட்டிய மன்னன் சிவாஜியைப் பற்றி இன்றைய இளம் தலைமுறை அறிந்து கொள்வதற்காகவே சோனி டிவியில் அவரது வரலாறு சுவாரஸ்யமாக ஒளிபரப்பாகிறது.

ஜான்சிராணி

ஜான்சி நாட்டு ராணி லட்சுமி பாய் வீர வரலாறு ஜீ டிவியில் ஒளிபரப்பாகிறது. இதன் தமிழ் டப்பிங் ஜீ தமிழ் டிவியில் காணலாம்.

சந்திர குப்த மௌரியர்

சந்திரகுப்ர மௌரியரின் வரலாற்று காவியம் என்.டி.டிவி இமேஜின் டிவியில் ஒளிபரப்பாகிறது. இதில் மௌரிய சாம்ராஜ்யம் பற்றியும், சாணக்கியரைப் பற்றியும் அறிந்து கொள்ளலாம். இதில் பல சுவாரஸ்யங்கள் காட்சிப்படுத்தப்பட்டுள்ளன.

திப்பு சுல்தான்

தூர்தர்சன் டிவியில் ஒளிபரப்பான தி ஸ்வார்ட் ஆப் திப்பு சுல்தான் ரசிகர்களிடம் தனி வரவேற்பு பெற்ற வரலாற்று தொடர்.

ஜோதா அக்பர்

மாமன்னர் அக்பரின் வாழ்க்கையை மையமாக கொண்ட ஜோதா அக்பர் மெகா சீரியல் ஜீ டிவியில் ஒளிபரப்பாகிறது. சினிமாவை காட்டிலும், டி.வி. சீரியல் இன்னும் பிரம்மாண்டமாக உருவாகியுள்ளது. அக்பரின் வாழ்க்கையில் நடந்த சம்பவங்களை மையப்படுத்தி இந்த தொடர் உருவாகியுள்ளது.