Don't Miss!
- Sports 4,4,6.. உங்க ஸ்பின்னெல்லாம் என்னிடம் எடுபடாது.. கேகேஆர் அணியின் அஸ்திவாரத்தை ஆட்டிய கேமரூன் க்ரீன்!
- Technology கஸ்டமர்களுக்கு வந்த திடீர் மெசேஜ்! சத்தமின்றி BSNL சேவையில் புதிய மாற்றம்.. ஆப்பிற்குள் காத்திருந்த அதிர்ச்சி!
- News தங்கமலை ரகசியம்.. பாஜகவுடன் பாமக கூட்டணி வைத்தது ஏன்? முதல்வர் ஸ்டாலின் கேள்வி
- Automobiles பைக் வாங்குவதற்கு பதில் இப்படியொரு காரை வாங்கிடலாம்!! மைலேஜை வாரி வழங்குது... 2024 ஸ்விஃப்ட்!
- Lifestyle கருவுறுதல் பிரச்சினையை குணப்படுத்தணுமா? இந்த சூப்பர்புட்களில் ஒன்றை தினமும் உணவில் சேர்த்துக்கோங்க...!
- Travel தமிழ்நாட்டிலேயே பாதுகாப்பான சுற்றுலாத் தலங்கள் இவை தான் – பெண்களாக, குடும்பங்களாக செல்ல ஏற்ற இடங்கள்!
- Finance பிரேசில் சந்தையில் ரூ.40 கோடிக்கு ஏலம் போன இந்திய பசு.. அடேங்கப்பா, அப்படி என்ன ஸ்பெஷல்..!
- Education நெட் தேர்வு மதிப்பெண் அடிப்படையில் பிஎச்.டி. படிப்பில் சேரலாம்: யுஜிசியின் புதிய அறிவுறுத்தல
'அந்த நாள் ஞாபகம் நெஞ்சிலே வந்ததே'... ரசிகர்களின் பாராட்டு மழையில் தி ஜங்கிள் புக்
சென்னை: இன்று வெளியாகியிருக்கும் 'தி ஜங்கிள் புக்' திரைப்படம் வயது வித்தியாசமின்றி, சிறுவர்கள் முதல் பெரியவர் வரை அனைவரையும் கவர்ந்துள்ளது.
அக்காலத்தில் தூர்தர்ஷனில் வெளியாகி அனைவரையும் கவர்ந்த கதை தான் ஜங்கிள் புக். கார்ட்டூன் வடிவில் வெளியான ஜங்கிள் புக்கைப் பார்த்து ரசித்தவர்கள் இன்றும் அதனைக் கொண்டாடி வருகின்றனர்.
மற்ற நாடுகளில் வருகின்ற ஏப்ரல் 16 ம் தேதி இப்படம் வெளியாகிறது. ஆனால் ஒருவாரம் முன்னதாகவே இப்படத்தை இந்தியாவில் வெளியிட்டு விட்டனர்.
தமிழ், இந்தி, தெலுங்கு மொழிகளில் டப்பிங் செய்யப்பட்டு இப்படம் வெளியாகி இருக்கிறது. மேலும் 3டி தொழில்நுட்பத்திலும் இப்படத்தை வெளியிட்டு தயாரிப்புக் குழு புண்ணியத்தைக் கட்டிக் கொண்டுள்ளது.
காட்டிற்குள் தனியாக விடப்பட்ட சிறுவனை விலங்குகள் எடுத்து வளர்க்கும். அந்த சிறுவனை புலி ஒன்று கொல்ல முயல, மற்ற விலங்குகள் புலியிடம் இருந்து சிறுவனைக் காப்பாற்றுவதுதான் படத்தின் கதை.
சிறுவனின் பெயர் மோக்லி, புலியின் பெயர் ஷேர்கான், சிறுதையின் பெயர் பகீரா என்று இந்தப் படத்தில் வரும் கதாபாத்திரங்களின் பெயர் அனைத்தும் வித்தியாசமாகவே இருக்கும்.
இந்நிலையில் இன்று வெளியாகியிருக்கும் ஜங்கிள் புக் தங்களை சிறுவயதிற்கே கைபிடித்து கூட்டிச் செல்வதாக, ரசிகர்கள் பலரும் கருத்துத் தெரிவித்துள்ளனர்.
இப்படத்தில் வரும் கதாபாத்திரங்களின் பெயரைச்சொல்லியும், சிறுவயதில் தங்களை எப்படியெல்லாம் ஜங்கிள் புக் வசீகரித்தது என்பதையும் கதைகதையாக படம் பார்த்த ஒவ்வொருவரும் பகிர்ந்து வருகின்றனர்.
ஒவ்வொருவரின் அனுபவங்களையும் கேட்கும்போது இப்படத்தை தவற விடக்கூடாது என்றே தோன்றுகிறது. மொத்தத்தில் இன்று வெளியாகியிருக்கும் ஜங்கிள் புக் ஒட்டுமொத்த ரசிகர்களுக்குமான கோடை விருந்து.