ரஜினிகாந்த், கமல் ஹாஸனுக்கு ஆந்திர அரசு விருதுகள் அறிவிப்பு

ஹைதராபாத்: நடிகர்கள் ரஜினிகாந்த், கமல் ஹாஸன் ஆகியோருக்கு ஆந்திர அரசின் என்டிஆர் விருதுகள் அறிவிக்கப்பட்டுள்ளது.

ஆந்திர மாநில அரசு ஆண்டுதோறும் என்டிஆர், பிஎன் ரெட்டி, நாகிரெட்டி - சக்ரபாணி, ரகுபதி வெங்கய்யா ஆகியோர் பெயர்களில் திரைத் துறையினருக்கு விருதுகளை வழங்கி வருகிறது. இவற்றுடன் சிறப்பு நடுவர் விருது ஒன்றும் வழங்கப்படுகிறது.

கடந்த மூன்றாண்டுகளாக இந்த விருதுகள் வழங்கப்படவில்லை. இந்த ஆண்டு மூன்று ஆண்டுகளுக்கான விருதுகளையும் அறிவித்துள்ளனர்.

2014, 2015 மற்றும் 2016- ஆம் ஆண்டுகளுக்கான விருதுகளை இன்று அறிவித்துள்ளது ஆந்திர அரசு.

2014-ம் ஆண்டுக்கான என்டிஆர் விருது கமல் ஹாஸனுக்கு அறிவிக்கப்பட்டுள்ளது. இதே ஆண்டுக்கான பிஎன் ரெட்டி விருது இயக்குநர் எஸ்எஸ் ராஜமௌலிக்கு வழங்கப்படுகிறது.

ரஜினிக்கு

2016-ம் ஆண்டுக்கான என்டிஆர் விருது ரஜினிகாந்துக்கு வழங்கப்படுகிறது. ரகுபதி வெங்கய்யா விருது சிரஞ்சீவிக்கு வழங்கப்படும் என அறிவிக்கப்பட்டுள்ளது.

விருதுப் பட்டியல்:

2014

என்டிஆர் விருது - கமல் ஹாஸன்
பிஎன் ரெட்டி விருது - எஸ்எஸ் ராஜமௌலி
நாகிரெட்டி - சக்ரபாணி - நாராயண மூர்த்தி
ரகுபதி வெங்கய்யா - கிருஷ்ணம் ராஜு
நடுவர் சிறப்பு விருது - சித்தால அசோக் தேஜா

2015

என்டிஆர் விருது - கே ராகவேந்தர் ராவ்
பிஎன் ரெட்டி விருது - திரிவிக்ரம் ஸ்ரீனிவாஸ்
நாகிரெட்டி - சக்ரபாணி - கீரவாணி
ரகுபதி வெங்கய்யா - ஈஸ்வர்
நடுவர் சிறப்பு விருது - பிசி ரெட்டி

2016

என்டிஆர் விருது - ரஜினிகாந்த்
பிஎன் ரெட்டி விருது - போயபட்டி சீனிவாஸ்
நாகிரெட்டி - சக்ரபாணி - கேஎஸ் ராமராவ்
ரகுபதி வெங்கய்யா - சிரஞ்சீவி
நடுவர் சிறப்பு விருது - பரிச்சூரி பிரதர்ஸ்