மெட்ராஸ் படத்துக்கு ஸ்ரீநாகி ரெட்டி விருது!

கார்த்தி நடித்த மெட்ராஸ் படத்துக்கு ஸ்ரீநாகி ரெட்டி நினைவு விருது நேற்று வழங்கப்பட்டது.

விஜயா மருத்துவமனை மற்றும் கல்வி அறக்கட்டளை சார்பில் ஆண்டுதோறும் நடத்தப்படும் ஸ்ரீ நாகி ரெட்டி நினைவு விருது வழங்கும் விழா சென்னை காமராஜர் அரங்கத்தில் நடைபெற்றது. இதில் சென்ற ஆண்டின் மிகசிறந்த பொழுதுபோக்கு திரைப்படத்துக்கான விருதை ஸ்டுடியோ கிரீன் தயாரிப்பில் வெளியான "மெட்ராஸ்" திரைப்படத்தை தேர்ந்தேடுத்து வழங்கினர்.

இந்த விருது வழங்கும் விழாவில் நீதிபதி கற்பக விநாயகம், சரோஜா தேவி, எஸ்.பி.முத்துராமன், ஆரூர் தாஸ், வெங்கட்ராம ரெட்டி, பாரதி ரெட்டி ஆகியோர் கலந்து கொண்டார்கள்.

ஸ்டுடியோ க்ரீன் இணை தயாரிப்பாளர் எஸ்.ஆர்.பிரபு மற்றும் படக்குழுவினர் கலையரசன், ரித்விகா, இராமலிங்கன், முரளி, பிரவீன் சேர்ந்து விருதை பெற்றுக்கொண்டனர்.