'விசாரணை'க்கு முன்பு ஆஸ்கர் விருதுக்கு தேர்வு செய்யப்பட்ட தமிழ் படங்கள் எவை எவை?

ஆஸ்கர்

16 ஆண்டுகள் கழித்து ஆஸ்கருக்கு செல்லும் தமிழ் படம் விசாரணை. முன்னதாக 2000ம் ஆண்டு உலக நாயகன் கமல் ஹாஸன் நடித்த ஹேராம் படம் ஆஸ்கருக்கு சென்றது.

தெய்வமகன்

ஏ.சி. திரிலோகசந்தர் இயக்கத்தில் நடிகர் திலகம் சிவாஜி கணேசன் மூன்று கதாபாத்திரங்களில் நடித்த தெய்வமகன்(1969) படம் தான் முதன்முதலில் ஆஸ்கருக்கு சென்ற தமிழ் படம் ஆகும்.

நாயகன்

தெய்வமகனை அடுத்து மணிரத்னம் இயக்கத்தில் உலக நாயகன் கமல் ஹாஸன் நடித்த நாயகன்(1987) படம் ஆஸ்கருக்கு சென்றது. அதன் பிறகு மணிரத்னம் குழந்தைகளை வைத்து இயக்கிய அஞ்சலி(1990) ஆஸ்கர் விருது தேர்வு பட்டியலில் இடம்பெற்றது.

இந்தியன்

கமல் ஹாஸன் நடித்த தேவர் மகன்(1992), பி.சி. ஸ்ரீராம் இயக்கத்தில் கமல், அர்ஜுன் நடித்த குருதிப்புனல்(1995), ஷங்கர் இயக்கத்தில் கமல் நடித்த இந்தியன்(1996), ஷங்கரின் ஜீன்ஸ்(1998), கமலின் ஹேராம்(2000) ஆகியவை ஆஸ்கருக்கு சென்ற தமிழ் படங்கள் ஆகும். இதுவரை ஆஸ்கருக்கு சென்ற தமிழ் படங்களில் (விசாரணையையும் சேர்த்து)9 படங்களில் 5 கமல் நடித்தவை ஆகும்.