தோழியுடன் நிச்சயதார்த்தம் முடிந்தது.. நாங்கள் திருமணம் செய்துகொள்ள போகிறோம்.. பிரபல நடிகை அறிவிப்பு!

சக நடிகையுடன் காதல்

இந்நிலையில் நடிகை கிறிஸ்டெய்ன் ஸ்டீவர்ட் சக நடிகையும் எழுத்தாளருமான டைலன் மேயருடன் காதல் உறவில் இருந்து வருகிறார். இருவரும் 2019ஆம் ஆண்டு முதல் டேட்டிங்கில் இருந்து வருகின்றனர். டைலன் மேயர், ராக் பாட்டம், மோக்ஸி மற்றும் மிஸ் 2059 ஆகிய படங்களில் நடித்துள்ளார்.

விரைவில் திருமணம்

இந்நிலையில் கிறிஸ்டெய்ன் ஸ்டீவர்ட் தனது காதலியான டைலன் மேயருடன் திருமண நிச்சயதார்த்தம் முடிந்துவிட்டதாக தெரிவித்துள்ளார். இருவரும் விரைவில் திருமணம் செய்து கொள்ள போவதாகவும் அறிவித்துள்ளார் நடிகை கிறிஸ்டெய்ன்.

முழுமையாக செய்யப் போகிறோம்

நிகழ்ச்சி ஒன்றில் பேசிய அவர் தங்களின் திருமணம் குறித்த அறிவிப்பை வெளியிட்டுள்ளார். அவர் பேசியிருப்பதாவது,
"நாங்கள் திருமணம் செய்து கொள்கிறோம், நாங்கள் அதை முழுமையாகச் செய்யப் போகிறோம். நான் புரபோஸ் செய்யப்பட வேண்டும் என்று விரும்பினேன். அதனால் நான் விரும்பியதை நான் மிகவும் தெளிவாக கூறினேன், அவள் அதை செய்தாள். நாங்கள் திருமணம் செய்துகொள்கிறோம், அது நடக்கிறது," என்று நடிகை கூறியுள்ளார்.

காத்திருக்க முடியாது

நடிகை கிறிஸ்டெய்ன் ஸ்டீவர்ட் இதுபோன்று கூறுவது இது முதல் முறையல்ல. இதற்கு முன்பு பங்கேற்ற ஒரு நிகழ்ச்சியிலும் நடிகை கிறிஸ்டென் ஸ்டீவர்ட் இதுபோன்று கூறியுள்ளார். திருமணம் செய்துகொள்ள தயாராக இருப்பதாகவும் தன்னால் காத்திருக்க முடியாது என்றும் கூறியிருந்தார்.

பலருடன் டேட்டிங்

மேலும் கிறிஸ்டன் ஸ்டீவர்ட் முன்னதாக சூப்பர் மாடல் ஸ்டெல்லா மேக்ஸ்வெல் மற்றும் ட்விலைட் இணை நடிகர் ராபர்ட் பாட்டின்சன் ஆகியோருடன் டேட்டிங் செய்துள்ளார். பேட்மேன் நட்சத்திரமும் கிறிஸ்டனும் ட்விலைட் தொடரின் படப்பிடிப்பின் போது ஒன்றாக வசித்தனர் என்பது குறிப்பிடத்தக்கது.