ஷாருக்கானுக்கு கொரோனா..பாலிவுட்டை விடாமல் துரத்தும் கோவிட்...காரணம் என்ன தெரியுமா ?

ஷாருக்கான், கத்ரீனாவுக்கு கொரோனா

இந்த சமயத்தில் பாலிவுட்டை சேர்ந்த 50 க்கும் மேற்பட்ட பிரபலங்கள் அடுத்தடுத்து கொரோனா தொற்றிற்கு ஆளாகி வருகிறார்கள், பாலிவுட் சூப்பர் ஹீரோ ஷாருக்கானுக்கு நேற்று கொரோனா உறுதி செய்யப்பட்டதால், அவர் வீட்டில் தன்னை தனிமைப்படுத்திக் கொண்டுள்ளார். ஷாருக்கானை தொடர்ந்து நடிகை கத்ரீனா கைஃபிற்கும் கொரோனா தொற்று உறுதி செய்யப்பட்டுள்ளது. கத்ரீனாவிற்கு கடந்த ஆண்டு ஏப்ரல் மாதமும் கொரோனா தொற்று ஏற்பட்டது.

இத்தனை பேருக்கு கொரோனாவா

ஏற்கனவே கார்த்திக் ஆர்யான், ஆதித்ய ராய் கபூர் போன்ற பலருக்கும் கொரோனா பாசிடிவ் உறுதி செய்யப்பட்டிருப்பதாக அவர்களே தங்களின் சோஷியல் மீடியா பக்கங்களில் தெரிவித்திருந்தனர். இதுவரை 50 முதல் 55 பாலிவுட் பிரபலங்கள் கொரோனாவால் பாதிக்கப்பட்டிருப்பதாக கூறப்படுகிறது.

இப்படி தான் நோய் பரவியதா

சமீபத்தில் பாலிவுட்டின் முன்னணி டைரக்டர் கரன் ஜோகரின் 50 வது பிறந்தநாள் பார்ட்டி மும்பையில் நடைபெற்றது. இதில் பாலிவுட் பிரபலங்கள் ஏராளமானோர் கலந்து கொண்டனர். இந்த பார்ட்டியில் கரீனா கபூர் கான், ஜான்வி கபூர், ஷாருக்கான் உள்ளிட்ட 100 பேர் வரை கலந்து கொண்டதாக கூறப்படுகிறது. இந்த பார்ட்டியில் கலந்து கொண்டு திரும்பிய பிறகு தான் ஷாருக்கானுக்கு உடல்நல பாதிப்பு ஏற்பட்டுள்ளது. அவருக்கு நடத்தப்பட்ட சோதனையில் கோவிட் பாசிடிவ் உறுதி செய்யப்பட்டது.

பாலிவுட்டை விடாமல் துரத்துதே

கரன் ஜோகரின் பிறந்தநாள் பார்ட்டியில் கலந்து கொண்ட பிரபலங்களுக்கு தான் தற்போது கொரோனா உறுதி செய்யப்பட்டு வருகிறது. இதனால் பாலிவுட் ஸ்டூடியோக்களில் அதிகமானவர்கள் கூடுவது, அதிகமானவர்கள் பங்கேற்கும் நிகழ்ச்சிகளை நடத்துவது ஆகியவற்றை தவிர்க்க வேண்டும் என மாவட்ட நிர்வாகம் அறிவுறுத்தி உள்ளது.