சண்டைக்கு தயாராகும் கத்ரீனா... உற்சாகத்தில் சல்மான்கான் ரசிகர்கள்.

பிக் பாஸ்

சல்மான் கான் திரைப்படங்களில் நடிப்பது மட்டும் இல்லாமல் பலவிதமான ரியாலிட்டி ஷோ தொகுத்து வழங்குகிறார். அதில் மிக முக்கியமானது ஹிந்தி பிக் பாஸ். தற்போது அனைத்து மொழிகளிலும் பிக்பாஸ் நிகழ்ச்சி வெற்றிகரமாக நடந்து வருகிறது. இதற்கெல்லாம் முன்னோடியாக சல்மான் கான் தொகுத்து வழங்கிய பிக் பாஸ் இருக்கிறது. ஹிந்தி பிக் பாஸ் 15 வது சீசன் கடந்து வெற்றிகரமாக நடந்து வருகிறது.

சல்மான் கான் - கத்ரீனா கைப் காதல் கதை

கத்ரீனா கைஃப் சல்மான்கானுடன் ஜோடி சேர்ந்து நடிக்க ஆரம்பித்த சில காலத்திலேயே இருவருக்கும் காதல் மலர்ந்து விட்டது எனும் கிசுகிசு பாலிவுட்டில் பரவலாக வலம் வந்தது. அதை ஊர்ஜிதம் செய்வது போல சில நிகழ்வுகளும் அந்த சமயத்தில் நடந்தேறியது. வழக்கம்போல மீடியாவில் அவர்கள் அதை மறுத்தார்கள். சல்மான்கானுடன் எந்த ஒரு நடிகை நடித்தாலும் அவரோடு சேர்த்து கிசுகிசுக்கப்படுவது ஒரு தொடர் நிகழ்வாக இருந்து வருகிறது.

YRF- 50 வருட பாரம்பரியம்

யாஷ் ராஜ் பிலிம்ஸ் (YRF) பட நிறுவனம் ஆதித்யா சோப்ரா வால் 1970 ஆம் ஆண்டு நிறுவப்பட்டது. பல முன்னணி ஹீரோக்களுடன் பல வெற்றி படங்களை தயாரித்து தமக்கென ஒரு முத்திரையை படித்தது யாஷ் ராஜ் பிலிம்ஸ். ஐம்பது வருடம் தாண்டியும் மிகவும் வெற்றிகரமாக தொடரும் சில பட நிறுவனங்களில் முதன்மையாக இருக்கிறது. சல்மான் கான் நடிக்கும் புதிய படத்தை இந்நிறுவனம் தயாரிக்கிறது.

டைகர் – 3

சல்மான்கான் மற்றும் கத்ரீனா கைஃப் ஜோடியாக நடித்து மாபெரும் வெற்றி பெற்ற டைகர் படத்தின் மூன்றாம் பாகம் ரிலீஸ் தேதியின் அறிவிப்பு வீடியோவை சல்மான்கான் மற்றும் கத்ரீனா கைப் தங்கள் இன்ஸ்டாகிராம் பக்கங்களில் பதிவிட்டுள்ளனர். டைகர் 3 படம் 2023 ஏப்ரல் 21 ஆம் தேதி வெளியாகும் என்ற தகவல் சல்மான்கான் ரசிகர்களை உற்சாகத்தில் ஆழ்த்தியுள்ளது. இந்த அறிவிப்பு சமூக வலைத்தளங்களில் டிரண்ட் ஆகி வருகிறது.கத்ரீனா பல பேருடன் சண்டை போடுவதும், கடைசியில் சல்மான்கான் ஓரமாக உறங்கிக் கொண்டு இருப்பதும் அவரை தட்டி எழுப்பும் போது பிஜிஎம் பிரம்மாண்டமாக கொடுத்து, ரசிகர்களைப் பார்த்து விரைவில் நாங்கள் வருகிறோம் என்று அவர் சொல்ல, சல்மான் ரசிகர்களையும் கத்ரீனா ரசிகர்களையும் பரவசப்படுத்தும் ஒரு நிகழ்வாக இது காணப்படுகிறது.