அய்யோ பாவம்...கத்ரினா கைஃப் திருமணத்தால் சல்மான் கானுக்கு இப்படி ஒரு நிலைமையா ?

தனியாக நடிக்கும் சல்மான்

மும்பையில் முழுவீச்சில் டைகர் 3 படத்தின் வேலைகள் நடத்தப்பட்டு வந்தது. செப்டம்பர் மாத இறுதியில் இருந்து அந்தேரியில் உள்ள யாஷ்ராஜ் ஸ்டூடியோசில் நடந்து வரும் ஷுட்டிங்கில் சல்மான்கான் பங்கேற்று வருகிறார். ஆனால் தொடர்ந்து ஷுட்டிங்கை நிறுத்தி வைக்க முடியாது என்பதால், கத்ரினா கைஃப் இல்லாமல் தனி ஆளாக ஷுட்டிங்கில் பங்கேற்று வருகிறார் சல்மான் கான்.

புயலால் பாதிக்கப்பட்ட செட்

புயலால் பாதிக்கப்பட்ட டைகர் 3 படத்தின் செட்டை மீண்டும் சீரமைக்கும் பணி வேகமாக நடந்து வருகிறது. அது ஒருபுறம் நடந்தாலும் மும்பையில் பிரம்மாண்ட பைக் சேசிங் சீனும் மற்றொரு புறம் எடுக்கப்பட்டு வருகிறது. புதிதாக அமைக்கப்பட்டு வரும் செட்டில் தான் பல முக்கிய ஆக்ஷன் காட்சிகள் எடுக்கப்பட உள்ளதாம்.

ரா ஏஜன்டாக சல்மான் கான்

டைகர் 3 படத்தில் அவினாஷ் சிங் ரத்தோர் என்ற ரா ஏஜன்ட் கேரக்டரில் தான் சல்மான் கான் நடிக்கிறார். ஜோயா ஹுமாமி கேரக்டரில் தான் கத்ரினா கைஃப் நடிக்கிறார். வில்லன்களால் கடத்தப்பட்ட கத்ரினாவை காப்பாற்றும் சீனில் தான் சல்மான் கான் நடிக்க வேண்டும்.

நெருக்கடியில் சல்மான் கான்

ஆனால் கத்ரினா இல்லாததால், சல்மான் கான் வில்லன்கள் கூட்டத்தை பைக்கில் துரத்திச் செல்லும் சீனை முதலில் எடுத்து வருகிறாராம் டைரக்டர். விரைவில் கத்ரினா ஷுட்டிங்கில் பங்கேற்பார் என எதிர்பார்க்கப்படுகிறது. இதனால் அடுத்த சில வாரங்கள் சல்மான் கான் ஒரே நேரத்தில் பல ஷுட்டிங்கில் பங்கேற்க வேண்டிய நெருக்கடிக்கு ஆளாகி உள்ளாராம்.

அடுத்தடுத்த ஷுட்டிங்

நேற்று ரியாத்தில் Da Bangg ஷோவின் ஷுட்டிங்கை முடித்து திரும்பி உள்ள சல்மான் கான். அடுத்தபடியாக பிக்பாஸ் வார இறுதி எபிசோடிற்கான ஷுட்டிங்கில் பங்கேற்க உள்ளார். கிறிஸ்துமஸ் வரை தொடர்ந்து டைகர் 3 படத்தின் ஷுட்டிங்கிலும் அவர் பங்கேற்க உள்ளார். கத்ரினா வந்த பிறகே அவர் நடிக்கும் சீன்கள் எடுக்கப்பட உள்ளதாம்.