90 சதவீத வசூலை சம்பளமா கேட்டா எப்படி.. டாப் நடிகருக்கு திடீரென செக் வைத்த தயாரிப்பு நிறுவனம்?

வசூலில் பின்னடைவு

மாஸ் நடிகருடன் மோதி பார்த்து விடலாம் என்கிற முடிவுடன் தனது படத்தை இந்த முறை வேண்டுமென்றே போட்டா போட்டி போட்டு களமிறக்கினார் டாப் நடிகர். ஆனால், சொல்லிக் கொள்ளும் அளவுக்கு வசூல் வராத நிலையில், தயாரிப்பாளர் அமைதியோ அமைதி என பழையபடி நான் ராஜஸ்தானுக்கே போறேன் என கிளம்பி விட்டாராம்.

போட்டி போடாமலிருந்தால்

இப்போது வந்த வசூலை விட இன்னும் பல மடங்கு அதிக வசூல் தனியாக ரிலீஸ் செய்திருந்தால் வந்திருக்கும் என பலரும் அறிக்கைகளை சமர்பித்துள்ள நிலையில், தயாரிப்பாளர் நடிகரின் பிடிவாதத்தை நினைத்து ரொம்பவே அப்செட் ஆகி உள்ளாராம். ஆனால், போட்டி இருந்த நிலையில் தான் இந்த அளவுக்கு ரசிகர்கள் படத்தை ஓட வைத்து வருகின்றனர். இந்த வசூலே நல்ல வசூல் தான் என நடிகர் தயாரிப்பாளரை சமாதானம் செய்து அனுப்பி உள்ளாராம்.

சம்பளத்தை குறைங்க பாஸ்

இந்த படம் எப்படியும் பெரிய வெற்றி பெறும் என பில்டப் செய்தே அடுத்த படத்திற்கான சம்பளத்தை அதிகரித்து இருந்தார் டாப் நடிகர். அவரின் பேச்சை நம்பியே வெளிநாடுகளிலும் அந்த படத்தை பெரியளவில் ப்ரோமோட் செய்த தயாரிப்பு நிறுவனம் தற்போது வசூலை பார்த்து அப்செட் ஆன நிலையில், அடுத்த படத்தின் சம்பளத்தில் கை வைத்திருப்பதாக ஷாக்கிங் தகவல்கள் கசிந்துள்ளன.

பெரிய பிசினஸ் இல்லை

முன்னணி நடிகர்களுக்கு இணையான பெரிய பிசினஸ் வெளிநாடுகளிலும் பக்கத்து ஸ்டேட்களிலும் அந்த நடிகருக்கு இன்னமும் ஓபன் ஆகாத நிலையில், வம்படியாக அதிக சம்பளம் கேட்பதும், போட்டி நடிகருக்கு இணையாக தனக்கும் சம்பளம் வழங்க வேண்டும் என அடம்பிடிப்பதும் வியாபாரத்திற்கு உகந்தது அல்ல என டாப் நடிகரிடம் தெளிவாக சொல்லி விட்டதாம் அந்த தயாரிப்பு நிறுவனம்.

நம்பிக்கை இல்லை

டாப் நடிகர் தனது அடுத்த படத்தையும் அந்த காதல் இயக்குநர் தான் இயக்க வேண்டும் என அடம்பிடித்த நிலையில், அவர் இயக்கத்தில் உருவாக உள்ள படமும் நிச்சயம் பெரிய தொகையை வசூல் செய்யும் என்கிற எந்தவொரு நம்பிக்கையும் தயாரிப்பு நிறுவனத்துக்கு இல்லையாம். குறைவான பட்ஜெட்டில் படம் எடுக்கலாம் நீங்க கொஞ்சம் இறங்கி வாங்க என நடிகரிடம் பேச்சுவார்த்தைகள் நடைபெற்று வருவதாக கூறுகின்றனர்.

கடுப்பான நடிகர்

தயாரிப்பு நிறுவனம் திடீரென இப்படியொரு நெருக்கடியை கொடுத்துள்ள நிலையில், நடிகர் ரொம்பவே அப்செட் ஆகிவிட்டாராம். எப்படியாவது அந்த நடிகரை இந்த முறை முந்திவிடலாம் என போட்ட திட்டமெல்லாம் வீணாய் போய் விட்டதே என நினைத்த அவர் சம்பளத்தை குறைக்க மனமில்லாமல் தயாரிப்பு தரப்பிடம் வேறு சில யோசனைகளை வழங்கி வருவதாக பேச்சுக்கள் அடிபட்டு வருகின்றன.

லாபத்தில் ஷேர்

குறைந்த பட்ஜெட்டில் படத்தை பக்காவாக எடுத்து விடலாம். பெரிய தொகை லாபமாக வந்தால் அதிலிருந்து 40 சதவீத தொகையை கூட சம்பளமாக எடுத்துக் கொள்ளுங்கள் ஆனால், நீங்கள் கேட்கும் சம்பளம் 90 சதவீத தொகையாக இருப்பதால் தான் ரொம்பவே சிக்கலாக இருக்கிறது என தயாரிப்பு நிறுவனம் தொடர்ந்து நடிகருக்கு மார்க்கெட் நிலவரத்தை புரிய வைத்து வருகிறது என்கின்றனர். அடுத்த படத்திற்கும் இப்பவே சிக்கல் ஆரம்பித்து விட்டது.