உங்கள் அன்புக்கு நான் தகுதியானவனா?... திடீரென இன்ஸ்டா லைவில் வந்த அஸ்வின் !

என்ன சொல்ல போகிறாய்

குக் வித் கோமாளி நிகழ்ச்சிக்கு முன்பு ஒரு சில திரைப்படங்களில் தலைகாட்டி சென்ற அஸ்வின் அந்த நிகழ்ச்சிக்கு பிறகுதான் பெண்களின் சாக்லேட் பாயாக வலம் வந்து கொண்டிருக்கிறார். ஹீரோ அஸ்வினும், காமெடியன் புகழும் இணைந்து 'என்ன சொல்ல போகிறாய்' படத்தில் நடித்துள்ளார். அறிமுக இயக்குனர் ஹரிஹரன் இந்த படத்தினை இயக்கியுள்ளார். அதில் அவந்திகா மிஸ்ரா,தேஜு அஷ்வினி இருவரும் படத்தின் நாயகிகளாக நடித்துள்ளனர்.

இன்ஸ்டா லைவ்

அஸ்வின் நேற்று தனது 31வது பிறந்த நாளை கொண்டாடினார். அவரது பிறந்தநாளுக்கு ஹேஷ்டேக்குகள் ட்விட்டரில் ட்ரெண்ட் ஆகும் அளவுக்கு ரசிகர்கள் காமன் டிபி, வாழ்த்து தெரிவிப்பது, வீடியோ என தங்களது அன்பை வெளிப்படுத்தி வந்தனர். ரசிகர்களின் இந்த அன்புக்கு நன்றி தெரிவிக்கும் வகையில் அஷ்வின் நேற்று தனது இன்ஸ்டாகிராம் பக்கத்தில் நேரலையில் வந்து ரசிகர்களிடம் பேசினார்.

அன்புக்கு நன்றி

அதில், உங்கள் அனைவரது அன்புக்கும் நன்றி. நான் எந்தவொரு சின்ன விஷயம் செய்தாலும் அதைக் கொண்டாடும் உங்களுக்கு நன்றியைத்தவிர வேறுவார்த்தையை என்னால் யோசிக்க கூட முடிவதில்லை. பல சமயங்களில் இந்த அன்புக்கு நான் தகுதியானவனா என்பதை யோசித்திருக்கிறேன். உங்கள் ஒவ்வொருவருடைய நேரமும் முக்கியமானது. அதை எனக்காக தருகிறீர்கள் எனும்போது அதை நிச்சயம் எனதாக்கி கொள்வேன்.

Recommended Video

திறமையான இளைஞர்கள் Hero-வாக உருவாகவேண்டும் | SeenuRamasamy Speech | Visithiran |Filmibeat Tamil

அனைவருக்கும் நன்றி

நான் எடுக்கும் ஒவ்வொரு முடிவும் உங்களைக் கருத்தில் கொண்டே எடுக்கிறேன், பேசுகிறேன். முதலில் நான் ஒரு ஆடியன்ஸ். உங்கள் அன்பினால் மட்டுமே நான் பிழைத்துக்கொண்டுடிருக்கிறேன். என்னைப் பிடித்தவர்களுக்கு நான் நன்றி. எல்லாருக்கும் என்னால் தனித்தனியாக நன்றி தெரிவிக்க முடியவில்லை. அதனால்தான் இந்த லைவ். அனைவருக்கும் நன்றி என அஷ்வின் பேசியுள்ளார்.