கபடி வீரராக நடிக்கும் அதர்வா... மீண்டும் ஹிட் இயக்குனருடன் இணைந்தார்!

மீண்டும் சாம் ஆண்டன்

இளம் நடிகர்களில் அதிக அளவு ரசிகர் பட்டாளத்தை கொண்டு தான் உண்டு தன் வேலை உண்டு என எந்த ஒரு கிசுகிசுக்களிலும் சிக்காமல் அடுத்தடுத்த படங்களில் புது இயக்குனர்களுடன் இணைந்து வித்தியாசமான படங்களை தொடர்ந்து கொடுத்து வரும் நடிகர் அதர்வா 100 படத்தின் வெற்றியை தொடர்ந்து மீண்டும் சாம் ஆண்டன் இயக்கத்தில் புதிய படத்தில் ஹீரோவாக ஒப்பந்தம் ஆகி இருக்க அதன் படப்பிடிப்பு சில நாட்களுக்கு முன்பு பூஜையுடன் தொடங்கியது.

பரமேஸ்வரன்

தெலுங்கில் நானி நடிப்பில் வெளியாகி பெரும் வரவேற்ப்பை பெற்று பெற்றெடுத்த நின்னுக்கோரி தமிழில் தள்ளிப்போகாதே என்ற பெயரில் ரீமேக் செய்யப்பட இதில் அதர்வாவுக்கு ஜோடியாக நடிகை அனுபமா பரமேஸ்வரன் நடிக்கிறார். கொடி படத்திற்கு பிறகு தமிழில் நடிக்காமல் இருந்த அனுபமா தள்ளிப்போகாதே படத்தில் நடித்திருக்க இவரின் ரசிகர்களுக்கு மகிழ்ச்சியை ஏற்படுத்தி உள்ளது.

ஜிகர்தண்டா தெலுங்கில் ரீமேக்

இதுவரை லவ்வர் பாயாக வலம் வந்த அதர்வா குருதி ஆட்டம், ஒத்தைக்கு ஒத்த என ஆக்ஷன் படங்களில் நடித்து தன்னை ஒரு ஆக்ஷன் ஹீரோவாகவும் கொஞ்சம் கொஞ்சமாக மாற்றி வர தெலுங்கிலும் அறிமுகத்தை கொடுத்துள்ளார். கார்த்திக் சுப்புராஜ் இயக்கத்தில் தேசிய விருது உள்ளிட்ட பல விருதுகளை வென்ற ஜிகர்தண்டா தெலுங்கில் ரீமேக் செய்யப்பட அதில் சித்தார்த் கதாபாத்திரத்தில் நடித்து தெலுங்கு ரசிகர்களுக்கும் அறிமுகமானார்.

சற்குணம் இயக்கத்தில்

வித்தியாசமான கதைகள் தேர்ந்தெடுத்து அதில் பணியாற்றுவதை வழக்கமாக கொண்டிருக்கும் அதர்வா சண்டிவீரன் படத்திற்கு பிறகு இப்பொழுது மீண்டும் இயக்குனர் சற்குணம் இயக்கத்தில் புதிய திரைப்படம் ஒன்றில் ஒப்பந்தம் ஆகி இருக்க இதில் இவர் கபடி வீரராக நடிக்க நடிக்க உள்ளார். அதற்காக சிறப்பு பயிற்சியும் எடுத்து வருகிறார். கபடி விளையாட்டை கொண்ட கதையில் உருவாகியிருக்கும் இந்த படத்திற்கு பொத்தேரி என டைட்டில் வைக்கப்பட்டுள்ளது. கைவசம் இருக்கும் படங்களில் நடித்து முடித்துவிட்டு பொத்தேரி படத்தின் படப்பிடிப்பில் அதர்வா கலந்து கொள்ள உள்ளதாக கூறப்படுகிறது. அதர்வா குருதி ஆட்டம் படத்திலும் கபடி வீரராக நடித்திருப்பது குறிப்பிடத்தக்கது.