இரண்டாவது திருமணத்திற்கு தயாராகும் பிரசாந்த்... திருமணம் எப்போ தெரியுமா ?

விவாகரத்தில் முடிந்த திருமணம்

2005 ம் ஆண்டு கிரகலட்சுமி என்பவரை திருமணம் செய்து கொண்டார் பிரசாந்த். இவர்களுக்கு ஒரு மகன் இருக்கிறான். இந்நிலையில் திருமணமான மூன்றே ஆண்டுகளில் விவாகரத்து பெற்று, இவர்கள் பிரிந்தனர். விவாகரத்து தொடர்பாக பல சிக்கல்கள், வதந்திகளில் சிக்கினார் பிரசாந்த். 2005 ம் ஆண்டு நடித்த லண்டன் படத்திற்கு பிறகு பிரசாந்த் நடித்த படங்கள் எதுவும் ஓடவில்லை.

அந்தகன் மூலம் ரீஎன்ட்ரி

இதனால் பிரசாந்த் என்ற ஒரு நடிகர் இருப்பதையே ரசிகர்கள் மறந்து போகும் நிலைக்கு ஆளானார் பிரசாந்த். அவ்வப்போது ஏதாவது ஒரு படத்தில் நடிப்பதுடன், தொழிலதிபராகவும் இருந்து வருகிறார் பிரசாந்த். நீண்ட இடைவேளைக்கு பிறகு தற்போது மீண்டும் அப்பா தியாகராஜன் இயக்கி, தயாரிக்கும் அந்தகன் படத்தில் நடித்து வருகிறார் பிரசாந்த். விரைவில் இந்த படம் ரிலீஸ் செய்யப்பட உள்ளது.

பிரசாந்த்திற்கு இரண்டாவது திருமணம்

48 வயதாகும் பிரசாந்த்திற்கு இரண்டாவது திருமணம் செய்வதற்கான ஏற்பாடுகள் நடந்து வருகிறதாம். முதல் திருமணம் தோல்வி அடைந்ததுடன், சமீபத்தில் தான் விவாகரத்து பெற்றுள்ளார் பிரசாந்த். இதனால் மகனுக்கு இரண்டாவது திருமணம் செய்து வைக்க தியாகராஜன் ஏற்பாடு செய்து வருகிறாராம். விரைவில் நிச்சயதார்த்தம் பற்றிய அறிவிப்பை தியாகராஜன் வெளியிட போகிறாராம்.

எப்போ திருமணம்

இந்த ஆண்டு இறுதிக்குள் பிரசாந்த்தின் திருமணம் நடைபெற உள்ளதாம். பெண் பார்த்து முடிவு செய்த விட்டதாக கூறப்படுகிறது. இரண்டாவதாக திருமணம் செய்ய உள்ள பிரசாந்த்திற்கு திரையுலகை சேர்ந்த பிரபலங்கள், ரசிகர்கள் என பலரும் வாழ்த்து தெரிவித்து வருகின்றனர். நடிகர் சங்க தேர்தலில் பொருளாளர் பதவிக்கு போட்டியிட்ட பிரசாந்த் தோல்வி அடைந்துள்ளார்.