கழுத்தில் அடிபட்டும் கண்டுக்காம நடித்த அஜீத்… என்னே ஒரு தொழில் பக்தி!!

சிறுத்தை சிவா இயக்கத்தில்

அஜித் தற்போது சிறுத்தை சிவா இயக்கத்தில் நடித்து வருகிறார். இப்படத்தின் இரண்டாம் கட்ட படப்பிடிப்பு தற்போது நடந்து வருகிறது. சில தினங்களுக்கு முன்னர் சண்டைக்காட்சி படமாக்கப்பட்டபோது அஜித்தின் கழுத்துப் பகுதியில் காயம் ஏற்பட்டிருக்கிறது. வலியால் அவதிப்பட்ட அஜித்துக்கு டாக்டர்கள் தீவிர சிகிச்சை அளித்தனர்.

நோ சொன்ன அஜீத்

சிகிச்சைக்குப் பின்னரும் அஜீத்திற்கு வலி அதிகரித்துள்ளது. எனவே அஜித்தை ஓய்வு எடுக்கும்படி டாக்டர்கள் கூறியிருக்கிறார்கள். ஆனால் அஜித் ஓய்வெடுக்காமல் படப்பிடிப்பில் கலந்துக் கொண்டு தனது காட்சிகளை முடித்து கொடுத்திருக்கிறார்.

தயாரிப்பாளருக்கு நஷ்டம்

படப்பிடிப்பை ரத்து செய்து ஓய்வெடுத்தால் தயாரிப்பாளருக்கு பல லட்ச ரூபாய் நஷ்டம் ஏற்படும் என்று நினைத்தே அஜித் படப்பிடிப்பில் பங்கேற்றாராம். இதைப் பார்த்த படக்குழுவினர் அஜித்தின் தொழில் பக்தியை பற்றி பேசி வருகின்றனர்.

அஜீத் ஸ்ருதிஹாசன்

அஜீத்,ஸ்ருதிஹாசன், ஹன்சிகா, கபீர்சிங், சூரி மற்றும் பலர் நடித்துள்ளனர். சிறுத்தை சிவா இயக்கும் இந்தப்படத்தை வெற்றி ஒளிப்பதிவு செய்ய ஸ்டண்ட் சில்வா சண்டைப்பயிற்சி இயக்குனராக பணிபுரிந்து வருகிறார் ஏ.எம்.ரத்னம் தயாரித்துள்ளார்.

எல்லா படப்பிடிப்பிலும் காயம்தான்

பில்லா படப்பிடிப்பின் போது கையில் காயம் ஏற்பட்டது. அதேபோல மங்காத்தா படப்பிடிப்பின் போது காலில் சுளுக்கு ஏற்பட்டது. இப்போது கழுத்தில் ஏற்பட்டுள்ளது. ஆனாலும் தொழில் பக்தியால் காயத்தை கண்டு கொள்ளாமல் நடித்து கொடுத்து விட்டார் அஜீத்.

ஒருவேளை இதுவும் ஒரு விளம்பரமோ?