மாஸ்ன்னா இதுதான் மாஸ்...டிரெண்டிங்கில் அஜித்திசம்...இது தான் காரணமா

ஏகே 61 ஆர்வத்தில் ரசிகர்கள்

கொரோனா பரவல் காரணமாக பொங்கலை முன்னிட்டு ஜனவரி 13 ம் தேதி ரிலீசாகும் என அறிவிக்கப்பட்ட வலிமை, கடைசி நேரத்தில் ஒத்திவைப்பதாக அறிவிக்கப்பட்டது. இதனால் ஏமாற்றமடைந்த ரசிகர்கள் அஜித்தின் அடுத்த படமான ஏகே 61 படம் பற்றிய எதிர்பார்ப்பில் கவனம் செலுத்த துவங்கினர். ஏகே 61 படம் பற்றிய அடுத்தடுத்த தகவல்களும் கசிந்து வருகிறது.

டிரெண்டிங்னா அஜித் தான்

இதனால் குஷியான ரசிகர்கள் #AK61 என்ற ஹாட்டேக்கை உருவாக்கி, கடந்த ஒரு வாரமாக ட்விட்டரில் டிரெண்டிங்கில் வைத்துள்ளனர். இந்நிலையில் தற்போது #Valimai ஹாஷ்டேக்கை மீண்டும் டிரெண்டிங் ஆக்கி உள்ளனர். ட்விட்டர் டிரெண்டிங்கில் முதல் இடத்தில் #AK61, இரண்டாவது இடத்தில் #Valimai ஹாஷ்டேக்குகள் இடம்பிடித்துள்ளன.

இப்படியொரு மாஸா

இதில் அஜித்தின் போட்டோக்கள், அஜித் பற்றியும் அவரது குடும்பத்தினர் பற்றியும் பல தகவல்களை பகிர்ந்து வருகின்றனர். ஒரு நடிகரின் படம் ரிலீசாகி இரண்டு ஆண்டுகளுக்கு மேல் ஆகிறது. அப்டேட்கள் கூட தொடர்ந்து வருவதில்லை. இருந்தாலும் இப்படியொரு மாஸா என அனைவரும் மிரண்டு போய் உள்ளனர்.

எல்லாமே சொல்லிட்டாங்களே

அஜித் அடுத்தபடியாக நடிக்க உள்ள ஏகே 61 படத்தின் பூஜை மார்ச் மாதம் 9 ம் தேதி நடைபெற உள்ளதாகவும், 7 மாதங்களில் ஷுட்டிங்கை முடிக்க படக்குழு திட்டமிட்டுள்ளதாகவும் தகவல் வெளியாகி உள்ளது. ஏகே 61 பற்றி எந்தவொரு அதிகாரப்பூர்வ அறிவிப்பும் வெளியிடப்படாத நிலையில் பூஜை துவங்கி ரிலீஸ் தேதி வரை அனைத்தையும் ரசிகர்கள் பகிர்ந்து வருகிறார்கள்.

ஏகே 61 ரிலீசும் தெரிஞ்சிடுச்சா

மார்ச் 9 ம் தேதி ஷுட்டிங் துவங்குகிறது. ஐதராபாத், புதுச்சேரியில் ஷுட்டிங் நடக்க உள்ளது. ஹீரோயின் பூஜா ஹெக்டே. ஹீரோ - வில்லன் என இரட்டை வேடங்களில் அஜித் நடிக்கிறார். இசையமைப்பாளர் அனிருத். ஏகே 61 படம் 2022 ம் ஆண்டு தீபாவளிக்கு ரிலீஸ் செய்யப்பட உள்ளது என்பது வரை அனைத்தையும் பகிர்ந்து விட்டனர் அஜித் ரசிகர்கள்.