'தப்பா செய்தி பரப்பாதீங்க.. அந்தக் காரை நான் வாங்கல!' - அஜீத்

நடிகர் அஜித், 3 கோடி ரூபாய் மதிப்புள்ள பிஎம்டபிள்யூ ஐ8 ஸ்போர்ட்ஸ் காரை வாங்கியுள்ளதாக சமூக வலைத்தளங்களில் நேற்று ஒரு செய்தி பரவியது.

அந்த காரை வடபழனி ஆர்டிஓ அலுவலகத்தில் பதிவு செய்வதற்காக கொண்டுவந்தபோது எடுத்த படங்கள் என வெள்ளை நிற பிஎம்டபிள்யூ ஐ-8 காரின் படங்களும் இணையம் முழுக்க வலம் வந்தன.

கார் ரேஸில் பிரியம் கொண்டவர் என்பதால், அஜித் இதை வாங்கியிருக்கக் கூடும் என்ற நம்பிக்கையில், 'பாத்தீங்களா.. நம்ம தல காரை' என அஜித் ரசிகர்கள் பரவசப்பட்டார்கள்.

ஆனால், "அஜித், பிஎம்டபிள்யூ கார் வாங்கியுள்ளார் என்கிற செய்தி தவறு. தேவையில்லாத செய்திகளைப் பரப்பவேண்டாம்," என்று அஜித் தரப்பிலிருந்தே விளக்கம் வெளிவந்துள்ளது.