Don't Miss!
- News ரூ 4 கோடிக்கும் எனக்கும் சம்பந்தமே இல்லை.. மே 2ல் காவல் துறையில் ஆஜராவேன்.. நயினார் நாகேந்திரன்
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Lifestyle 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
சந்திரமுகி - 890!
சாந்தி தியேட்டரைப் 'பிடித்திருந்த' சந்திரமுகி ஒரு வழியாக 890 நாட்களைத் தொட்டு விட்டு, வேறு தியேட்டர்களுக்கு இடம் பெயர்ந்துள்ளது.
கடந்த 2005ம் ஆண்டு ஏப்ரல் 14ம் தேதி உலகெங்கும் ரிலீஸானது சந்திரமுகி. வசூலில் பெரும் சாதனை படைத்த படம் சந்திரமுகி. பெரும் ஆரவாரத்துடன் ஓடிய சந்திரமுகி, 7 தியேட்டர்களில் 300 நாட்களைத் தொட்டது.
சென்னை சாந்தி தியேட்டரில் மட்டும் இப்படம் தொடர்ந்து ஓடிக் கொண்டிருந்தது. தியாகராஜ பாகவதரின் ஹரிதாஸ் நிகழ்த்திய சாதனையை முறியடிக்கும் வகையில் சந்திரமுகியை தொடர்ந்து ஓட்டி வந்தது சாந்தி தியேட்டர்.
ஒரு வழியாக 800 நாட்களை சந்திரமுகி தொட்டபோது, அதை விழாவாகக் கொண்டாடியது சிவாஜி பிலிம்ஸ். தமிழ் சினிமாவிலேயே அதிக நாட்கள் ஒரே தியேட்டரில் ஓடிய படம் என்ற சாதனை தற்போது சந்திரமுகியிடம் உள்ளது.
800வது நாள் விழாவை சிவாஜி பிலிம்ஸும், தமிழ் திரைப்படத் தயாரிப்பாளர் சங்கமும் சேர்ந்து எடுத்தன. முதல்வர் கருணாநிதி சிறப்பு விருந்தினராக கலந்து கொண்டு ரஜினியைப் புகழ்ந்து பேசினார்.
இந்த நிலையில் தற்போது 890 நாட்களைத் தொட்டு விட்டது சந்திரமுகி. இதையடுத்து சாந்தி தியேட்டரிலிருந்து சந்திரமுகி இடம் பெயர்ந்துள்ளது. புதிதாக நடராஜ், மேகலா, ஸ்ரீனிவாசா, லட்சுமி ஆகிய தியேட்டர்களில் சந்திரமுகி திரையிடப்பட்டுள்ளது.
செகண்ட் ரிலீஸாக ஒரு படம், ஒரே ஊரில் அதிக தியேட்டர்களில் வெளியாவதும் இதுவே முதல் முறை என்று கூறப்படுகிறது.
வரலாறு படைத்த சந்திரமுகி குறித்து நடிகர் பிரபு கூறுகையில், மிக மிகப் பெருமையாக உள்ளது. சூப்பர் ஸ்டார் ரஜினிகாந்த் நடித்த சந்திரமுகி, எங்களது தியேட்டரில் இத்தனை நாட்கள் ஓடி சாதனையும், சரித்திரமும் படைத்திருப்பதை மிகப் பெருமையான விஷயமாக கருதுகிறோம். கடைசி காட்சி வரை படத்துக்கு நல்ல கூட்டம் வந்தது முக்கியமானது என்றார் சந்தோஷத்துடன்.
லகலகலகலகலக்கிட்டீங்க தலைவா!