Don't Miss!
- Lifestyle தோசை மாவு இல்லையா? அப்ப 1 கப் ரவையும், 2 தக்காளியும் இருந்தா சூப்பரான டிபன் செய்யலாம்..
- News சென்னையில் தங்கிய ராமேஸ்வரம் கஃபே குண்டுவெடிப்பு ஆசாமிகள்! மண்ணடியில் என்ஐஏ ரெய்டு
- Sports ருதுராஜ் vs தோனி.. சில நேரம் குழப்பமாக இருக்கும்.. ஆனால் அதுமட்டும் நிச்சயம்.. தீபக் சஹர் கலகல!
- Finance ஆனந்த் மஹிந்திரா ஹைதராபாத்தில் இப்படியொரு பிஸ்னஸ் செய்கிறாரா..? ரூ.500 கோடி புது முதலீடு..!!
- Automobiles பேடிஎம் ஆப் மூலம் இனி ஃபாஸ்ட் டேக் கார்டுகளை ரீசார்ஜ் செய்யலாம்! வந்துவிட்டது புதிய வழி
- Technology ஆரம்பிச்சிட்டாரு.. புது கஸ்டமர்கள்.. 50 நாட்கள் இலவசம்.. ரூ.599 திட்டம்.. 6 மாதம் வேலிடிட்டி.. ஓடிடி சந்தா!
- Education பயிற்சி மையத்தில் சேராமலேயே ஐஏஎஸ் தேர்வில் வெற்றி...
- Travel கோயம்புத்தூரில் இருந்து உங்கள் நண்பர்களுடன் ரோடு ட்ரிப் செல்ல பெஸ்ட் ஐடியாக்கள் இதோ!
மாரி வசூலால் குஷி.. குழுவினருக்கு தங்கச் சங்கிலி பரிசளித்த தனுஷ்!
மாரி படத்துக்கு கலவையான விமர்சனங்கள் கிடைத்தாலும், கமர்ஷியலாக அந்தப் படம் பெரிய வரவேற்பைப் பெற்றுள்ளது. இதனால் மகிழ்ச்சியடைந்த படத்தின் ஹீரோவும் தயாரிப்பாளர்களில் ஒருவருமான தனுஷ், மாரி குழுவுக்கு தங்கச் சங்கிலி பரிசளித்துள்ளார்.
தொன்னூறுகளிலிருந்து தன் படங்களில் பணியாற்றும் கலைஞர்களுக்கு தங்கச் சங்கிலி பரிசளிப்பதை வழக்கமாக வைத்துள்ளார் ரஜினிகாந்த்.
இப்போது அவரது மருமகன் தனுஷும் இதே வழியைப் பின்பற்ற ஆரம்பித்துள்ளார்.
காக்கா முட்டை குழுவுக்கும்
சமீபத்தில் இவரது தயாரிப்பில் வெளியாகி பெரும் வெற்றியையும் ஏராளமான விருதுகளையும் குவித்த படம் காக்கா முட்டை. அந்தப் படத்தின் இயக்குநர், நடித்த இளம் சிறுவர்கள் உள்ளிட்டோருக்கு தங்கச் சங்கிலி அணிவித்து மகிழ்ந்தார் தனுஷ்.
மாரி
அடுத்து தனுஷ் தயாரித்து, நடித்து வெளியாகியுள்ள மாரி படக் குழுவுக்கும் இதே போல தங்கச் சங்கிலி பரிசளித்துள்ளார்.
வசூல்
இந்தப் படம் குறித்து பலவிதமான விமர்சனங்கள் வந்தாலும், படம் திங்கள், செவ்வாய் மற்றும் புதன் கிழமையும் நல்ல கூட்டத்துடன் ஓடுவதால் வசூல் திருப்திகரமாகவே உள்ளது.
தங்கச் சங்கிலி
இதனால் மகிழந்து போன தனுஷ் படத்தில் தன்னுடன் நடித்த ரோபோ சங்கர், வினோத், விஜய் யேசுதாஸ், இயக்குநர் பாலாஜி மோகன், இசையமைப்பாளர் அனிருத் ஆகியோருக்கு தங்கச் சங்கிலி அணிவித்தார்.
உணர்ச்சிவசப்பட்ட விஜய் யேசுதாஸ்
இந்த தங்கச் சங்கிலி அணிவிக்கும் நிகழ்ச்சியின் போது உணர்ச்சிவசப்பட்ட விஜய் யேசுதாஸ், தனுஷின் காலில் விழ முயல, தனுஷ் தடுத்து வாழ்த்தினார். விஜய் யேசுதாசுக்கு நடிகராக இது முதல் படம். இந்த ஒரே படத்தின் மூலம் அவர் ரெகுலர் நடிகராகிவிட்டார். நிறைய வாய்ப்புகளும் வருகின்றனவாம்.