AK61 ல் இணையும் டாப் ஹீரோக்கள்...AK61 Mission டிரெண்டிங்கிற்கு இது தான் காரணமா?

இரட்டை வேடத்தில் அஜித்

ஐதராபாத் ராமோஜி ஃபிலிம் சிட்டியில் அமைக்கப்பட்டுள்ள பிரம்மாண்ட செட்டில் தான் படத்தின் பெரும்பாலான காட்சிகள் படமாக்கப்பட உள்ளது. வங்கிக் கொள்ளையை மையமாகக் கொண்ட ஏகே 61 படத்தில் ஆக்ஷன் காட்சிகள் மிகக் குறைவாக தான் உள்ளதாக கூறப்படுகிறது. இதில் ஹீரோ-வில்லன் என அஜித் இரட்டை வேடத்தில் நடிக்க போவதாக ஏற்கனவே கூறப்பட்டு விட்டது.

AK61 Mission டிரெண்டிங்

ஏகே 61 படம் பற்றிய அப்டேட்கள் வரவர ட்விட்டரில் AK61 என்ற ஹேஷ்டேக் தொடர்ந்து டிரெண்டிங்கில் இருந்து வந்தது. ஆனால் நேற்று இரவு முதல் AK61Mission ஹேஷ்டேக் டிரெண்டிங் ஆகி உள்ளது. இதற்கு என்ன காரணம் என விசாரித்தால், ஏகே 61 படத்தில் மலையாள சூப்பர் ஸ்டார் மோகன்லாலும் இணைந்துள்ளாராம். ஏற்கனவே ஜில்லா படத்தில் விஜய்யுடன் இணைந்து நடித்த மோகன்லால் தற்போது ஏகே 61 படத்தில் அஜித்துடன் இணைந்து நடிக்க போவதாக கூறப்படுகிறது.

இது தான் காரணமா

மோகன்லால் மட்டுமல்ல தெலுங்கு டாப் ஹீரோ நாகர்ஜுனாவும் ஏகே 61 படத்தில் நடிக்க உள்ளதாக மற்றொரு தகவலும் சொல்லப்படுகிறது. நாகர்ஜுனா இதற்கு முன் கார்த்தி நடித்த தோழா படத்தில் நடித்தார். அதற்கு பிறகு தற்போது ஏகே 61 ல் இணைய உள்ளதாக சொல்லப்படுகிறது.

இவங்களுக்கு என்ன ரோல்

ஆனால் ஏகே 61 படத்தில் அஜித் தான் வில்லன் என சொல்லப்படுகிறது. இதனால் மோகன்லால், நாகர்ஜுனா என்ன ரோல்களில் நடிக்க போகிறார்கள் என்பது தெரியவில்லை. ஒருவேளை அஜித் மெயின் வில்லனாகவும், இவர்கள் மற்ற வில்லன்களாகவும் நடிக்க போகிறார்களா அல்லது இதில் அஜித் கேங்ஸ்டராக நடிப்பதாக கூறப்படுவதால் மோகன்லால் போலீஸ் ரோலில் நடிக்க போகிறாரா என ரசிகர்கள் கேள்வி எழுப்பி வருகிறார்கள்.

ஜிப்ரான் வேலையை ஆரம்பிச்சுட்டாரா

ஏகே 61 படத்திற்கு இசையமைக்கும் வேலைகளை ஜிப்ரான் எப்போதோ துவங்கி விட்டாராம். ஏப்ரல் 6 ம் தேதி ஷுட்டிங் துவங்கப்பட்ட சில நாட்களில் படத்தின் டைட்டில் மற்றும் நடிகர், நடிகைகள் பற்றிய அறிவிப்புக்கள் வெளியிடப்பட உள்ளதாம்.