Don't Miss!
- Finance இனி சுங்கச் சாவடிகளில் நிற்க வேண்டியதில்லை! வருகிறது ஜிபிஎஸ் தொழில்நுட்பம்..!
- Automobiles கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
- Sports வீடியோ- கட்டி பிடிக்க வந்த மலிங்கா.. தள்ளி விட்ட ஹர்திக் பாண்டியா..மும்பை அணியில் என்ன தான் நடக்குது
- News "மத்திய அரசை விமர்சிக்காதது ஏன்?" இரண்டு நொடி கேப் விட்டு.. எடப்பாடி பழனிசாமி தந்த விளக்கம்
- Technology ஏர்டெல் காலி.. மாதாந்திரம் ரூ.141 போதும்.. 336 நாட்கள் வேலிடிட்டி.. 5ஜி டேட்டா.. அன்லிமிட் வாய்ஸ் கால்கள்!
- Lifestyle இந்த 4 பொருள் இருந்தா போதும்.. 1 நிமிடத்தில் சட்னியை செஞ்சுடலாம்.. எப்படி-ன்னு பாருங்க...
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
டாக்டர்னு கூப்பிடாதீங்க: விஜய்
என்னை எப்போதும் போல இளைய தளபதி என்றே கூப்பிடுங்கள், டாக்டர் விஜய் என்று கூப்பிட வேண்டாம் என நடிகர் விஜய் வேண்டுகோள் விடுத்துள்ளார்.
இன்றுள்ள திரையுலக நிலவரப்படி, ரஜினி படத்தைத் தவிர பிற நடிகர்களின் படங்கள் 100 நாட்களைத் தாண்டி ஓடுவது பெரிய காரியமாக உள்ளது.ஆனால் விதி விலக்காக விஜய்யின் போக்கிரி 100 நாட்களைத் தாண்டி ஓடியுள்ளது. தொடர்ந்து அந்தப் படம் வெற்றிகரமாக ஓடிக் கொண்டிருக்கிறது. சென்னையில் ஒரு தியேட்டரில் 200 நாட்களைத் தாண்டியுள்ளது.
இதில் சென்னை அமைந்தகரையில் உள்ள லட்சுமி தியேட்டரில் இப்படம் 125 நாட்களைத் தாண்டியுள்ளது. அதாவது படம் வெளியான சில வாரங்கள் கழித்துத்தான் லட்சுமியில் இப்படம் திரையிடப்பட்டது. அப்படி திரையிடப்பட்டு 125 நாட்களை எட்டியதால் இதை விழாவாகக் கொண்டாடினர்.
விழாவையொட்டி விஜய் ரசிகர்கள் பெரும் திரளாக கூடியிருந்தனர். சமீபத்தில்தான் விஜய்க்கு கெளரவ டாக்டர் பட்டம் தரப்பட்டது. அதன் பிறகு அவர் கலந்து கொண்ட முதல் நிகழ்ச்சி இது என்பது குறிப்பிடத்தக்கது.
விழாவில் விஜய் பேசுகையில், போக்கிரி படத்தைப் பார்த்த அனைவருக்கும் நன்றி. இதைப் பெரிய வெற்றிப் படமாக்கியுள்ளீர்கள். அதற்கும் நன்றி.
எல்ேலாரும் இப்போது என்னை டாக்டர் விஜய் என்று அழைக்கிறார்கள். ஆனால் எப்போதும் போல என்னை இளையதளபதி என்றே அழையுங்கள். அதைத்தான் நான் விரும்புகிறேன். ரசிகர்களாகிய நீங்கள் கொடுத்த பட்டம்தான் எனக்கு விசேஷமானது.
இதே தியேட்டரில்தான் நானும் எனது நண்பர்களும் சேர்ந்து சூப்பர் ஸ்டார் ரஜினிகாந்த்தின் அண்ணாமலை படத்தைப் பார்த்தோம். அப்போது நான் வளரும் நடிகனாக இருந்தேன். இப்போது எனது படத்தின் வெற்றி விழா இங்கு கொண்டாடப்படுவது சந்தோஷமாக இருக்கிறது என்றார் விஜய்.
தமிழ்த் திரைப்படத் தயாரிப்பாளர் சங்கத் தலைவர் ராம நாராயணன் நிகழ்ச்சியில் பேசுகையில், விரைவில் விஜய் அடுத்த எம்.ஜி.ஆர். ஆவார். அதற்கான நாள் வெகு தொலைவில் இல்லை என்றார்.