தளபதி விஜய்யோட டயட் பிளான் என்னப்பா.. தெரிஞ்சிக்க ஆர்வமாக இருக்கும் பாலிவுட் ஹீரோ!

சென்னையில் ஹிரித்திக்

பிரபல பாலிவுட் நடிகர் ஹிரித்திக் ரோஷன், நேற்று சென்னையில் உள்ள மாலில், வாட்ச் விளம்பரத்துக்காக வருகை தந்து, சென்னை வாசிகளுக்கு இன்ப அதிர்ச்சி கொடுத்தார். பிரபல மாலில், ஹிரித்திக் ரோஷனை பார்த்த ரசிகர்கள், மொத்தமாக சூழ்ந்து கொண்டு, அவர் அருகில் நின்று புகைப்படங்களையும் வீடியோக்களையும் எடுத்துள்ளனர்.

ரசிகர்களுடன் டான்ஸ்

மேலும், சென்னை ரசிகர்களை பார்த்து சந்தோஷப்பட்ட பாலிவுட் நடிகர் ஹிரித்திக் ரோஷன், விழாவின் இறுதியில், ரசிகர்களுடன், சில ஸ்டெப்கள் போட்டு, உற்சாகமாக ஆடியது, ரசிகர்களுக்கு மேலும் ஆச்சர்யத்தை ஏற்படுத்தியது. ஹிரித்திக் ரோஷன் நடனமாடிய வீடியோ சமூக வலைதளங்களில் வைரலாகி வருகின்றன.

விஜய் டயட்

பிரபல யூடியூப் சேனல் ஒன்றுக்கு பேட்டி அளித்த ஹிரித்திக் ரோஷனிடம், தளபதி விஜய் பற்றி கேட்கப் பட்ட கேள்விக்கு, விஜய்யின் எனர்ஜி தன்னை மிகவும் ஆச்சர்யப்படுத்தும் என்றும், அப்படி நடனம் ஆடுவதற்கு முன்னதாக, என்ன விதமான டயட்டை விஜய் ஃபாலோ பண்ணுகிறார் என்பதை தெரிந்து கொள்ள தனக்கு ஆர்வமாக இருக்கிறது என்றும் ஹிரித்திக் ரோஷன் பேசியுள்ளார்.

ரசிகர்கள் ஹேப்பி

தளபதி விஜய் குறித்து, பாலிவுட்டின் முன்னணி நடிகர் ஹிரித்திக் ரோஷன், தெரிவித்திருப்பதை அறிந்த தளபதி ரசிகர்கள், அந்த வீடியோவை சமூக வலைதளங்களில் வைரலாக ஷேர் செய்தும், ஹிரித்திக் ரோஷனுக்கு வாழ்த்து சொல்லி மீம்களை போட்டும் வருகின்றனர். சூப்பர் டான்ஸரான ஹிரித்திக், விஜய் நடனத்தை பாராட்டியது தளபதி ரசிகர்களை ஹேப்பி ஆக்கி உள்ளது.

கையில் கிளவுஸ்

சென்னைக்கு வந்த ஹிரித்திக் ரோஷன் தனது கைகளில் கருப்பு நிற கிளவுஸ் அணிந்திருந்தார். கொரோனா வைரஸ் பாதிப்பில் இருந்து தற்காத்து கொள்ளவா அல்லது, வாட்ச் விளம்பரம் என்பதால், அந்த வாட்ச் தெளிவாக தெரிவதற்காகவா என்ற பேச்சுக்களும் சமூக வலைதளத்தில் எழுந்து வருகின்றன.