'காந்தியால் செய்ய முடியாததை கமல் ஹாஸன் செய்ததாக இருக்கட்டுமே!'

உத்தம வில்லனுக்கு எதிரான வழக்குகளை நீதிமன்றம் தள்ளுபடி செய்தாலும், சில மதவாத கட்சிகள் அந்தப் படத்துக்கு எதிராக தினமும் எதையாவது செய்து கொண்டுதான் உள்ளன.

இந்தப் படத்தை சில இந்து அமைப்புகளும் எதிர்க்கின்றன. இஸ்லாமிய அமைப்புகளும் எதிர்க்கின்றன. காரணம் ஒன்றுதான். மதம். படத்தைப் பார்க்காமலே, காதில் விழுந்த ஏதாவது ஒரு விஷயத்தை வைத்துக் கொண்டு போராட ஆரம்பித்துவிடுகிறார்கள். கடந்த வாரம், கமல் ஹாஸனை கைது செய்ய வேண்டும் என்று கூட ஒருவர் போலீசில் புகார் தந்தார்.

இதுகுறித்த ஒரு கேள்விக்கு கமல் ஹாஸன் அளித்துள்ள பதில் சுவாரஸ்யமானது.

அந்தக் கேள்வி: உங்கள் படத்தை தடை செய்ய வேண்டும் என இந்து அமைப்புகள் போராடுகின்றனவே?

கமலின் பதில்: கமல் ஹாஸன் படத்தை எதிர்க்க வேண்டும் என்றால் இந்துக்களும் முஸ்லிம்களும் ஒன்று சேர்ந்து கொள்கிறார்கள். காந்தியால் கூட செய்ய முடியாததை, கமல்ஹாஸன் செய்ததாக இருக்கட்டுமே!

-அதான் கமல்!!